VOAL - Online Zëri i Shqiptarëve - KËPUCËT LOUBOUTIN - SA DO TË PAGUANIT PËR TË PASUR NË KËMBËT TUAJA NJË VEPËR ARTISTIKE?

Voal-online.ch - PARIS Sa do të paguanit për të pasur në këmbët tuaja një vepër artistike? Ky është parimi nga i cili niset Christian Louboutin tek paraqet koleksionin e ri të këpucëve, modele me çmime absolutisht të kripura, por që është mirë t'i njohësh jo vetëm për të çmuar bukurinë dhe klasin e pafundëm, por edhe për të kuptuar se në ç'drejtim priret të shkojë moda "normale", ajo e markave që ne përdorim çdo ditë.

Prodhime si ato të Louboutin, në fakt, ndikojnë në mënyrë vendimtare në përzgjedhjet tona. Për vitin 2014 mjeshtri francez paraqet një gamë të gjerë këpucësh balloje e dekolete me taka marramendëse pranë atyre me mballoma, sandale e këpucë balierinash, prirjet e mëdha të kësaj vere: pjesa më e madhe e këtyre këpucëve, natyrisht, është e karakterizuar nga e famshmja shollë e kuqe, marka autentike dhe e guximshme e fabrikave alla frënga.

Mes modeleve më interesante, Pigalet, dekoletet ultra-chic të pasuruara me ngjyra të freskëta e fantazira, edhe paksa me prejardhje shtazore (të hatashme ato me lëkurë pitoni). Sa për sandalet, Louboutin paraqet modelet më të thjeshta krahas atyre nga më të ndërlikuarat me tokëza, lidhëse, perla e qëndisje. E njëjta filozofi për mokasinet dhe për këpucët me mballoma.