LUMI QAN NË VETMI
Poezi nga ZEF MULAJ
E Djelë, 02.22.2015, 08:17am (GMT+1)
Në foto: KULLA E THEPIT, NË MULAJ TË NIKAJ-MERTURIT,
KU U LIND DHE U RRIT POETI ZEF MULAJ
Dera në shtegun e bjeshkës
Rrethuar me ferra e gjarpërinj
Lepujt tremben nga një dhelpër
Ujku trim e i lirë zbret ngadalë
Te porta e bjeshkës me çelësa në dhëmbë
Hap portën dhe bëhet padron i saj
Tremben lepujt dhe zogjtë
Në sifonin e mbrëmjes
Egërsirat bashkohen të gëzuara
Varrezat ndezin dritat e mbrëmjes
Me fosforin e kuq të kryqeve
Gurgullima e lumit
Kthehet në melodi ritmike
Në gjumin e përjetshëm të kohës
Pranë portës së mbyllur të bjeshkës
Mollën e gris malli te Shtegu i Dashit
Te drumi i Krasniqes troku i kalit s'ndihet
Lumi qan në vetmi
Për mungesën e njerëzve
Që ikën ... ikin ... e ikin ...ZEF MULAJ
|
Comments (1)
Dërgoja shokut
Printo
A.jpg "DOLI NË QARKULLIM LIBRI I RI POETIK I ELIDA BUÇPAPAJT \"RAPSODI E GOLGOTËS SË TRANZICIONIT\""){kind=icon}
