Voal-online - LOS ANXHELOS - Hollywoodi manifestoi dashuri për historinë e tij në ceremoninë e Oskarëve të dielën natën, duke i dhënë çmimin e tij si filmi më i mirë dhe katër çmime të tjerë filmit të heshtur "Artist" në një ceremoni që të kujton pse kinemaja është e veçantë për kaq shumë njerëz.

Akademia e Arteve Filmit dhe Shkencave dha çmim Oskar edhe për Meryl Streep që luan ish-kryeministren britanike Margaret Thatcher në "Zonja e Hekurt" ("The Iron Lady"), duke shënuar Çmimin e tretë në 17 nominime, dhe veterani Christopher Plummer bëri histori duke u bërë fituesi më i vjetër i të gjitha kohërave në moshën 82 vjeçare me rolin e tij në "Fillestarët" ("Beginners").

Por ishte "Artist", një film francez që është quajtur një letër dashurie në Hollywood vjetër nga krijuesit e tij, që i magjepsi votuesit e Oskar. Bërë në stilin e filmave të vjetër pa, ai tregon një historinë romantike të një ylli venitje në epokën kur filmat pa zë u sfiduan nga filmat me të folur.

"Artisti" solli Oskarë edhe për yllin e tij Jean Dujardin, për regjisorin Michel Hazanavicius dhe si dhe për kolonën zanore dhe për dizajnin e kostumeve.

"Unë jam regjisori më i lumtur në botë tani. Faleminderit për këtë," tha Hazanavicius në audiencën me yje si George Clooney, Michelle Williams, Angelina Jolie, Brad Pitt dhe anëtarë të Akademisë.

Dujardin ishte po aq i gëzuar, duke thirrur "Unë e dua këtë vend" para se të falënderonte Akademinë, krijuesit e filmit dhe gruan e tij, dhe duke e quajtur aktorin pa zë Fairbanks Douglas një frymëzim.

Fitorja e Streep i habiti ekspertët e Oskarëve që mendonin se Viola Davis do të fitojë Çmimin e Akademisë me portretizimin e saj të një çupë të zezë në një shtëpi të bardhë në jug në filmin dramë për të drejtat civile "Help".

Por Streep e shndërruar në një Thatcher të moshuar e cili është duke rrëshqitur në raskapitjen e pleqërisë ka qenë e pamundur të shpërfillej. Ishte Çmimi i tretë Streep i Akademisë nga 17 nominime, dhe madje edhe ajo llogariste se votuesit Oskarëve do të ishin të lodhur prej saj. Ajo e quajti veten "Lodhja Streep" për gazetarët.
"Kur thirrën emrin tim, unë munda të ndjej Amerikën duke thënë: 'Oh pse asaj përsëri? " Por, çfarë tjetër, " bëri shaka ajo. Megjithatë, edhe veterania e fortë nuk mundi të mbajë brenda emocionin e një fitoreje të tillë. Kur falënderoi burrin e saj dhe bisedoi rreth karrierës së saj ajo gati sa nuk shpërtheu në lot, dhe prapa skenës dhe se kjo e bëri të ndihet një fëmijë sërish./Përktheu Elida Buçpapaj

(reuters)