Voal-online - PRIZREN, 10 QERSHOR - Axhenda e Kryeministrit të Shqipërisë Sali Berisha është më e pasur se kurrë. Pa iu shmangur përkushtimeve për çështjen e presidentit të ri të Republikës, kryeministri shqiptar vazhdon axhendën e tij të takimeve, përurimeve dhe të veprimtarive të tjera.

Të shtunën ai bëri një nga përurimet e shekullit, atë të Tunelit të Krrabës. Ndërkohë në të njëjtën ditë i ka vazhduar takimet me partnerët e koalicionit.

Të dielën kryeministri do jetë në Prizren ku do të marrë pjesë në aktivitetin e organizuar me rastin e 134 vjetorit të Lidhjes së Prizrenit.

Kryeministri Sali Berisha ishte në Prizren para pak ditësh për promovimin e abetares së përbashkët Shqipëri-Kosovë.