Vdiq Alice, vajza teenager që preku gjithë botën me listën e dëshirave «THE
BUCKET LIST»
Vajza angleze ka luftuar 4 vjet me sëmundjen e « linfoma Hodgkin », por që
arriti t'i realizojë të gjitha dëshirat e «bucket list»
Voal-online - «Vajza jonë e dashur me dy krahë ëngjëlli ka shkruar nëna e
Alice në Facebook per të dhënë lajmin e trishtë nuk është më, dhe se
deri në çastin e fundit ajo ishte e rrethuar me dashurinë e prindërve dhe
motrës të saj Milly. «Jemi të shkatërruar, shton më tutje, nëna e Alice, « duke qënë të sigurt se jetët tona nuk
do të jenë më si më parë. Natën e mirë Alice».
ALICE - Alice është Alice Pyne, vajza britanike e cila në pranverën e 2011 u
kthye në një yll të Twitter pasi kishte postuar dëshirat e saj të fundit «
bucket list ».Anglishtja përdor shprehjen kick the bucket (që fjalë për fjalë
do të thotë shkelmoje kovën) për të treguar kushtet për atë që është duke e
lënë këtë botë ; kështu bucket list është kthyer në listën e dëshirave që
njeriu do të përmbushë përpara se të vdesë. Katër vjet më parë, atëherë
13 vjeç, Alice u diagnostikua me sëmundjen e linfoma Hodgkin, një lloj tumori
malinj. Dhe kur vajza mori vesh se sëmundja për të ishte e pashërueshme ajo
publikoi dëshirat e saj të fundit për t'i plotësuar në kohën që i mbetej për ta
jetuar.
THE BUCKET LIST - Alice në përpilimin e listës u frymëzua nga një film i vitit
2007 titulluar « The Bucket List », ku Jack Nicholson dhe Morgan Freeman, nën
regjinë e Rob Reiner, interpretojnë dy të sëmurë terminalë që arratisen nga
spitali, pasi kishin përpiluar një listë që do ta përmbushnin përparë se « të
shkelmonin kovën ». Por me një ndryshim se
Jack Nicholson dhe Morgan Freeman luan film, ndërsa Alice jetën e saj.
LISTA E ALICES Ja lista e Alices : Të notonte me peshkaqenët ; të bindte të
gjithë që të regjistroheshin për të dhuruar palcën e kurrizit ; të shkonte në Kenya; ta çonte qenin e saj labrador Mabel në një ekzpozitë cinofile të
zonës ; të shkrepte një foto me shoqet e saj Milly, Clarissa, Sammie e Megs dhe
një tjetër me qenin e saj të dashur Mabel; të organizonte një party ku të
shfaqej një film për të dhe shoqet e saj ; të udhëtonte me një camper ; të
kishte një iPad në ngjyrë lejla ; të trajnonte delfinët (edhe këtë nuk e bëj dot,
shkruante Alice në kushtet ku ndodhem) ; të takohej me Take That; të shkonte në
Cadbury World e të hante një thes me çokollata ; të vizitonte "chocolate room"
në Alton Towers; të rregullonte flokët tek një parukeri nëse mundej të bëhej
diçka për flokët e saj; të shihte kur notonte një balenë ; t'i bëhej një mesazh
në shpinë...
ALICE E PLOTËSOI LISTËN E DËSHIRAVE, POR TANI NUK ËSHTË MË
«Kam notuar me peshkaqenët, jam takuar me Take That, kam marrë pjesë në një
party ku është shfaqur një film, ku kam qënë bashkë me shoqet e mia ; kam
sjellë qenin tim Mabel në një ekspozitë për qentë, kam patur një iPad lejla. »
Gushtin që shkoi arriti që t'i shihte të notonin edhe balenat, të lira në detin
e hapur, e cila ishte dëshira e fundit ende e paplotësuar nga lista e saj. Dhe
jo vetëm kaq, por ajo në ditët e saj të fundit pati shumë me se të merrej. Me
ndihmën e personazheve të famshëm si Take That, Paul McCartney e të tjerë,
ishin shumë edhe dashamirët që e ndihmuan pa dashur që të merreshin vesh se
cilët ishin. Ishin gjithashtu gjithë qytetarët britanikë që u lidhën me zemër
me vajzën e vogël Alice. Dhe në qendrën e dhuruesave të palcës të kurrizit u
regjistruan edhe 40 mijë dhuruesa të rinj.
Duke e ditur gjendjen e saj, Alice deshi të mendonte edhe për të tjerët.
Bashkë me të motrën Milly, ajo themeloi shoqatën bamirëse Alice's Escape, ku
mbulohen shpenzimet e pushimeve të familjeve me fëmijë shumë të sëmurë. Alice fitoi edhe çmimin Pride of Britain Teenager of
Courage.
FJALËT E SAJ TË FUNDIT : Kur gushtin që shkoi u plotësua edhe dëshira e saj e
fundit e regjistruar në listën e dëshirave, Alice shkroi në blogun e saj: «Nuk
kisha besuar se lista e dëshirave të mija do të plotësohej dhe nuk mund ta
shpreh me fjalë se sa e lumutur jam që ia kam arritur». Me entuziazëm Alice,
tashmë 17 vjeç lajmëron ditën e parë të vitit 2013 ku në sitin e saj personal
ajo shkruan : « Nuk më besohet se jam duke iu uruar të gjithëve ju Gëzuar Vitin
e Ri ! Edhe njëri prej mjekëve që më tha dy vjet më parë se nuk kemi se çfarë
të bëjmë tani është duke u habitur që unë vazhdoj të jem. Propozimi im për
vitin e ri ka përfunduar Alice është që të jem pak më e shëndoshë, që kështu
të kem pak më tepër energji».
NGA BLOGU I SAJ
« Jam 17 vjeç dhe jam një e sëmurë terminale. Krijova një « bucket list »,
listë dëshirash, sepse kam aq shumë gjëra në këtë botë që dua t'i bëj... disa
ishin të mundura, disa do të mbeten veç ëndërra. Blog-u im është të dokumentoj
kohën e çmuar që unë e jetoj bashkë me familjen time dhe miqtë e mij, duke bërë
ato që dua të bëj. Ju të gjithë keni një jetë...jetojeni atë ! »
Alice Pyen, vajza kurajoze, që na dha të gjithëve një mësim përpara se t'i
vinte krahët e saj të ëngjëllit, vdiq të shtunën që shkoi më 12 janar 2013./Elida Buçpapaj
Alice me qenin e saj Mabel
Alice Pyne with Take That
Alice Payne dhe Robin Williams