Beograd - Filozofi dhe linguisti amerikan, Avram Noam Chomsky thotë se për Serbinë nuk është e mirë marrëveshja "Kosova për Evropën", sepse BE nuk është e kënaqur me idenë që në këtë union të hyjnë edhe serbët.

Si transmeton portali Telegrafi, Chomsky, në një prononcim për numrin e fundit të revistës "Nedeljnik" të Serbisë, shprehet se nuk është i befasuar me negociatat mes Prishtinës dhe Beogradit, dhe se i kupton presionet ndaj Serbisë. Sipas tij, është çështje dite kur Beogradi do të lëshojë pe.

"Ekziston ai modeli që Perëndimi do të mbështesë qeverinë, çfarëdo qoftë ajo, për aq kohë sa ajo i plotëson synimet e tyre. Të njëjtën situatë e keni pasur me Milosheviqin gjatë viteve të tetëdhjeta dhe në të nëntëdhjetat e hershme", tha Chomsky, duke shtuar se prapa mbështetjes amerikane për pavarësinë e Kosovës qëndron të menduarit afatgjatë gjeopolitik.

"Iniciativa e Amerikës është fokusuar në ish-Jugosllavi dhe veçanërisht në Kosovë, pikërisht për shkak të ruajtjes dhe zgjerimit të fuqisë amerikane në atë që në aspektin gjeostrategjik e sheh si një rajon mjaft të rëndësishëm - pjesërisht për shkak të Evropës, e pjesërisht për shkak të Lindjes së Mesme", vlerëson Chomsky. 

Rating (Votes: )

Comments (0)

Dërgoja shokut

Printo

---