FACEBOOK FESTON SOT DITËLINDJEN E DHJETË
E Martë, 02.04.2014, 09:07am (GMT+1)
 Rrjeti Facebook mbush dhjetë vjet të martën.
Në historinë e tij të shkurtër, facebook është shndërruar në rrjetin më të madh shoqëror global, me më shumë se një miliard shfrytëzues.
Kompania medietike shoqërore së fundi është bërë edhe kompania me rritjen më të madhe të të ardhurave në dy vjetët e fundit.
Sipas një kompanie kërkimore, eMarketer, facebook është kompania e dytë më e madhe e reklamimit digjital.
Vendin e parë në këtë fushë e mban Google. Facebook, një rrjet lidhjesh
shoqërore në internet, u themelua më 4 shkurt 2004 nga Mark Zuckerberg me 4 shokët e tij
të dhomës ndërkohë studentë në Universitetin e Harvardit; Eduardo
Saverin, Andrew McCollum, Dustin Moskovitz dhe Chris Hughes.
Emri
Facebook vjen nga një tog fjalësh për libër të dhënash udhëzuese lëndësh
mësimore me të cilin pajisen studentët në disa universitete amerikane.
Themeluesit fillimisht e kishin kufizuar anëtarësimin në Facebook vetëm
për studentët e Harvardit, por më vonë e zgjeruan për universitetet
Boston, Princeton, Yale, Stanford. Gradualisht, Facebook u hap për
studentët në kolegje e universitete të tjera, pastaj për nxënësit e
shkollave të mesme, dhe më në fund për të gjithë personat të moshës 13
vjeç e sipër kudo në botë.
Në vitin 2012, Facebook u vlerësia si një
kompani biznesi me vlerë prej 104 miliardë dollarësh. Në janar 2014,
shefja e veprimtarive në facebook, Sheryl Sandberg, sqaroi: "Mark
Zuckerberg gjithmonë thotë se Facebook filloi jo vetëm për të qenë
kompani, por edhe për të përmbushur vizionin për të ndërlidhur njerëzit
në botë".www.voal-online.ch
|
Comments (0)
Dërgoja shokut
Printo
A.jpg "DOLI NË QARKULLIM LIBRI I RI POETIK I ELIDA BUÇPAPAJT \"RAPSODI E GOLGOTËS SË TRANZICIONIT\""){kind=icon}
