Voal-online -Corey Haim, një yll adoleshent i Hollywood-it, i cili në vitet 1980 u bë i famshëm sa për luftën me vesin e drogës aq për talentin e tij si aktor, vdiq në Los Anxhelos me sa duket nga midoza, tha policia të mërkurën (sot). Ai ishte 38 vjeç.
Haim, i cili mori famë përkrah me adoleshentin yll Corey Feldman dhe u bë i njohur për tepërimin me festat, u konstatua i vdekur në Providence Saint Joseph Medical Center në rrethinën e Los Anxhelosit, Burbank, herët të mërkurën (sot), sipas policisë së Los Anxhelosit.
"Me sa duket vdiq nga mbidoza," tha togeri Frank Albarren i Deprartamentit të Policisë të Los Anxhelosut, Stacionit të Veriut të Hollivudit, duke shtuar "tip i barnave" nuk dihet.
Në vitet 1980, kanadezi Haim u bë i njohur në shkallë ndërkombëtare me filmin e vitit 1986 "Lucas", përkrah Charlie Sheen e Winona Ryder, pasuar nga hite të mëdhenj si "The Lost Boys", me Kiefer Sutherland, Jason Patric e Corey Feldman, si dhe me "License to Drive," po ashtu me Feldman.
Me Feldman u përballën njëlloj me problemet e drogës dhe luajtën së bashku role në filma, saqë shpesh u thirrën "The Two Coreys" (Dy Korët).
Ata filluan serialin e reality shows së bashku, me të njëjtin emër, në televizionin kabllor amerikan në vitin 2006, por u ndërpre para se të mbaronte stinori i dytë.
Sipas mediave amerikane, Haim u gjet pa ndjenja në apartamentin e tij dhe një hetim është në vazhdim.
Pasi kishte vite që luftonte kundër vesit të rëndë, ai kohët e fundit kishte folur hapur për problemet e tij dhe po merrej me fillimin e një seriali të ri televiziv duke thënë se tashmë është i pastër dhe esëll./Elida Buçpapaj
(http://www.reuters.com)