'BENZI' dhe SHQIPËRIA LUAN BIXHOZ Dy poema nga FASLLI HALITI
E Martë, 10.29.2013, 12:03pm (GMT+1)
«BENZI»
«Benzin» Ta gëzosh! S'ia vodhe tjetrit I maskuar me maskë të zezë, Me pika djerse emigranti e bleve... Duke stolizmuar të vdekurit e huaj. Udhëtime të mbara rrugëve të tona anembanë! Rreth e rrotull botes i rënç Me shpejtësi vetëtime Drite. Veç Kam një qortim të bukur për ty, Mos ma merr për smirë
Faslli Haliti Portret: viz. Skënder Kamberi, Piktor i Popullit
Të lutem shumë, As smirë As zili S'të kam Ty Unë.
Do të doja, me «Benzin» tënd si kalë i kuq shale Të ikim fushës, buzë kodrave, Jashtë qytetit, Në periferi, Të të uroj unë i pari Dhe i pari të të them unë, E punofsh gëzuar ti «Benzin» Duke pirë një konjak Ngjyrë muzgu, Një birrë Me Shkumën Që i derdhet si re. Dhe të pimë më në fund Një filxhan me «Lori caffe».
Të kujtojmë udhëtimet tona për në punë, Udhëtimet tona baltërave, Të ngashërejmë pak Për udhëtimet Me qerre, Mbi karroca Mbi biçikleta, «Skoda» të ngarkuara me gurë, Mbi një rimorkio gjithë pleh, erë derrash, Të kujtojmë pritjet e gjata për makinë, Të ecurit nëpër pellgjet fushore , Nëpër ere, breshër, shi, Me llohë dëbore.
«Benzin» Ta gëzosh! S'e ke vjedhur i maskuar me maskë të zezë, Me pika euroje djerse e ke blerë «Benz» pune e ke. S'e ke «Benz» zagar, «Benz» langua, gango, s'e ke, «Benz» që ndjek fustane, minifunde Rrugëve të lagjeve, qyteteve, si kalë hergjele.
Udhëtime të mbara nëpër botë! Rreth e rrotull Botës i rënç! Veç Kam një merak Një shqetësim Të madh... Me dhembkë Se mos ti një ditë M'i bie rrotat e «Benzit» Te këmbët e mia «rastësisht»
Dhe si «rastësisht' Me cirkon Me baltë Dhe ikën me furi. Boria e tij qesh me mua Vrapon dhe qesh me mua: ty, ty, tyyy ...!
Ndize pra «Benzin» shoku im, Të udhëtojmë Edhe ne Njëherë Në komoditet. Të ikim nga qyteti, në periferi Të pimë për «Benzin» Konjak, fërnet. Të bimë Edhe Ne Një birrë me shkumë Me shkumë të bardhë si një re.
Te dehemi bashkë Njëherë Të dy Të kujtojmë udhëtimet kur shkonim në punë Duke çarë nëpër baltëra breshër dhe shi...!
2003-2013
-- SHQIPËRIA LUAN BIXHOZ
Shqipëria luan me letra, Luan Top-Bast, Kazinove , Luan rulet, Luan lloto-sport, Luan tavell domino, Luan me zare Me yç. Luajnë lulishteve, ish kuadrot e larta, Luajnë edhe grupe biznesmenësh të rinj Grupe pleqsh që lenë në baste, pensionin Edhe pse e dinë mirë se basti, Është dëshmi e budallait, Prapë triumfon Vesi, lakmia; Ul kokën Logjika, Nonsensi, urtësia, maturia.
Të rinj, adoleshentë, fëmijë, Mesoburra, burra të moshuar, pleq Luajnë bixhoz Shesheve, Lulishteve të qytetit, Trotuareve dhe kazinove. Shqipëria luan bixhoz, kumar, rulet: Kazmën, lopatën, plugjet i hodhi përtej. Bota i sjell drekë, çdo drekë, I sjell darkën çdo darkë, I bie mëngjesin Çdo mëngjes
Dhe ia bie në kohë, ia bie pa përtesë...
1993- 2013
FASLLI HALITI
|