PO SHTRIHEM MBI TY BLERIM I RI I ATDHEUT TIM Cikë poetik nga FASLLI HALITI
E Hënë, 12.16.2013, 10:02am (GMT+1)
PARADOKS
Ti me sy të kaltër, S'pe As diell As dritë, As kaltërsi, Kurse unë i verbri një jetë të tërë S'pashë qoftë dhe një ditë errësirë me sy! --
VËTËDIJE
PÑ‘r tÑ‘ kaluar njerÑ‘zit e mirÑ‘ mbi kurrizin tim UnÑ‘ mund tÑ‘ bÑ‘hem Edhe urÑ‘ Edhe vig, Por në çast e shemb urën kurrizore, Po të kalonte në të vetÑ‘m dhe një i lig. -- BRAKTISJA Fier-Sheganit, fshatit të konvaleshencës sime ideologjike
Qenkan mbushur kanalet që hapa dikur këtu me bel Kanalet i paska veshur bari pothuaj të gjithë. Parcelat qenkan rrethuar me tel Arat qenkan thurur me drizë
Fshati Fier-Shegan, Fshati socialist, Mjeku I konvaleshencës sime ideologjike, Shëruesi i virusit tim borgjez, revizionist.
***
Të prita te ara e Sheqit, buzë Semanit Ali, Shok i brigadës së arave! S´më erdhe. S´e di
Pse ? Ç´u bëre shok i orizoreve, Shok i kavalleve të orizit ku je?!
Si Vdiq vërtetë Pa u ndarë me mua, Pa u ndarë me njeri, tjetrin nga kjo jetë !
Të prita ty Durim, shoku im i vijave kulluese Dhe ty Zija, bir i kulakut të prita, S´u takova dot me ju Ju kishit ikur. Nuk dihej Ku...
Klarinetisti Adem ka kohë që ka ikur në Had? Padrejtësi Zot, padrejtësi,
Padrejtësi, Perëndi!
Të kërkova Dhe ty Vjollca, Sa pambuk kemi vjelë bashkë. Të prita Si s´më erdhe, si ? Je martuar, më thanë ! Ka kohë që ke ikur nga fshati. Ka kohë që je bërë edhe nënë.
Të kërkova Dhe ty Agim Murati, Kemi hapur kanale bashkë, Edhe ti paske ikur nga fshati ?
Ti «traktori» i brigadës paske emigruar, Kjo është e pabesueshme, Agim Ti të shkoje në Kanada? Po kjo është shembje, Kjo është hata...
Po të pres te Arra Buzë Vjosës Besnik, Te arra e Madhe, Ku kalonim vapën të dy... Edhe ti Besnik paske emigruar?! Ku? Në Angli?!, Edhe ti Besnik Paske ''tradhëtuar,, Fshatin tënd socialist, Edhe ti Besnik u tregove i ''pabesë ,, Dhe ike me gomone, çave deteve tinëzisht?
Po ata që ishin fëmijë të vegjël fare atëherë Kur unë shërohesha mes jush Ideologjikisht: Ariani për shembull, Altini, Indrit, Arbeni, Ermali, Ku janë? Kanë ikur për studime Në Londër, Paris, botës tejembanë ?!
Qenkësh shpërbërë krejtësisht fshati I konvaleshencës sime ideologjike Qenka boshatisur, Fshati ynë... Socialist.
Pleqtë paskan vdekur pothuaj të gjithë, Të rinjtë paskan emigruar, Të rinjtë Ne s'i njohim, S´na njohin as ata, Kjo është e dhimbshme për mua, Kjo është shkretinë shkretane, hata...
*** Esenin Edhe mua Po më ndodh Siç të ndodhi dikur edhe ty... Edhe mua sot këtu s´m'i hedh sytë askush... Edhe unë s'njohkam këtu më asnjeri...
Po ju përqafoj, pra Ju plepat buzë kanaleve Ju shelgjishte buzë pellgjeve, Ju kumbulla, Ju qershi në lulëzim. Po shtrihem mbi ty, pra, bar i blertë... Po shtrihem mbi ty blerim i ri i atdheut tim. --
NDJESA
Të kërkoj ndjesë Gushëkuq i ferrës, Gushkuq I drizës Të qëllova me llastiqe Të shprisha prushin e gushës. Më fal Dhe ti, bilbil Ta vrava këngën me gur! Të kërkoj falje Ty thëllëzë Që të theva vezët në fole, Të lashë nënë pa zogj. Të theva njërin krah, Më fal, isha çilimi, Kalama! --
E LË TË LIRË
Nuk e largoj të dashurën, Ajo më largohet. Më afrohet, E afroj; I jap Dorën E puth, e përqafoj.
Më ikën, S'e ndjek, Më vjen, E pres krahëhapur, Krahëhapur më gjen... --
MBRAPSHT .poemë.
Zoti U mërzit, Vendosi ta rikrijojë botën sërish Qiellin e bëri det Detin qiell Zogjtë notojnë në det Peshqit Fluturojnë në qiell Yjet i bëri lule Lulet yje Lulet rrezatojnë dritë Yjet përhapin aromë Diellin E bëri sy Polifemi Syrin e Polifemit diell Diellin e verboi Odiseja me urën e zjarrit Syri i Polifemit ndriçon edhe djeg Shpendët I bëri avionë Avionët shpendë Shpendët hedhin bomba Avionët lëshojnë glasa Kafshët I bëri njerëz Njerëzit kafshë. Kafshët ecin me dy këmbë Njerëzit vrapojnë me katër Kafshët bisedojnë Njerëzit Ulërijnë, blegërijnë, pëllasin. Politikanët i bëri qenër Qentë politikanë. Qentë bisedojnë Politikanët lehin Poetët I bëri bilbila Bilbilat poetë Poetët këndojnë majave të lisave Bilbilat recitojnë skenave, tribunave, në radio dhe ekrane Pemët I bëri peshq me luspa Peshqit pemë me gjethe Rrënjët i bëri degë Degët rrënjë Rrënjët Pa lule, pa gjethe Degët pa rrënjë Rrënjë Luajnë me flladin. Lulet kalben nën tokë Zoti Përzjeu shqisat Zhvendosi tiparet Sytë I vuri Te veshët Veshët te sytë Sytë dëgjojnë Veshët Shohin Gojën E vuri te bytha Bythën te goja Goja pjerdh Bytha Flet. Dhëmbët I vuri te gishtat Gishtat tek dhëmbët Gishtat kafshojnë kasaforta thesare Dhëmbët Rrëmbejnë valutë dogana Zoti Zemrën E vuri në stomak Stomakun në zemër Stomaku Përtyp dashuri Zemra rreh e uritur. Zoti Edhe ditët i bëri rrëmujë Të dielën E bëri ditë pune Të hënën, të martën, të mërkurën, Të enjten, të premten, të shtunën Të gjashta i bëri ditë pushimi Vdekjen E bëri lindje Lindjen vdekje Të vdekurit rilindin Të lindurit Rivdesin Ditën E bëri natë me diell Natën ditë me hënë Ditën flemë Natën punojmë bixhoz Të keqen E bëri të mirë Të mirën të keqe Djallin E bëri Krisht Krishtin Djall... U përmbysën dhe sharjet Njerëzit shajnë së prapthi Ik Or Krisht me brirë Ky është djall Shpirt njeriu Kishat U bënë stalla Stallat kisha Djalli Falet në kishë Krishti Në Stallë Krishti rivdiq Djalli u ringjall...
Nëntor 1995 AKS --
PËRSOSJE
Përsosu Dritë Përsosu ajër Përsosu ujë Përsosu blerim Përsosuni yje Përsosu Diell Përsosu lule Përsosu kaltërsi Përsosu Tokë Përsosu njeri. Përsosu Perëmdi, Zot
Ndryshe s'ka përsosje në qiell, në tokë... --
SILL
Sill thana të kuqe nga fshati, Mos sill luleshtrydhe. Sill djathë, Jo çokollata, Sill pjepra, jo banane, Sill qumësht, jo "Coca Cola", Sill raki rrushi, Jo Martini, Apo Xhin dhe Xhon. Sill dëborë nga maja e malit, Jo akull frigoriferi, Sill qershi, Jo bonbone Monalizë!
S'ka si shija e thanës dardhës, pjeprit, rakisë.
-- BEATRIÇJA
Në vitet pesëdhjetë Në fshatin tim Erdhe Ti Beatriçe Si një pjeshkë në lulëzim.
Unë u dashurova si Dantja Me ty Dhe gjithë jetën mbeta i dashuruar Edhe pse Danten atëherë unë s'e njihja Edhe pse «Komedinë hyjnore» s'e kisha lexuar.
Me të ardhur ti Beatriçe Portinari, Tufina, Në qytezën time fushore, Qershitë, Dhe pjeshkat, Mollët e fshatit tim U bënë me një motër zanë, mis, Me një motër flokëverdhë, kanarinë.
Colpo di fulmine. Dhe unë Dhe ti U dashuruam në çast. Ti u dashurove me mua Jo sepse isha Dantja, Por Sepse Isha i vetmi djalë në fshat Që emrin Beatriçe ta shqiptoja më saktë.
Kur ty Dikush Të thërriste Bedrie Dhe Bidriçe një tjetër, Ti u dashurove me mua, Si Beatriçe Portinari me Danten e epërm.
Ah Buza jote Si u plasarit ashtu atë ditë, Si më puthe me aq afsh ti, atë natë, Si më mbulove ashtu me atë muzg flokësh, Me flokët e tu si tufa mimoze, ti, vjeshta ime e artë.
Beatriçe. Ti vërtet ishe Beatriçja Portinari, Beatriçe Aligieri, Por unë S'isha Dantja, Unë isha vetëm një adoleshent borgu, Një djalosh fillorist, gjysmë analfabet Që dinte të dashuronte si adoleshent, Që dinte të bënte disi dashuri, Por s'dinte si Dntja Të bënte sonete Poezi ...
Mamaja jote italiane, Pas babait Tënd Agronom Në fermën tonë, Vuri kujën e alarmuar, Që vajza e saj me gjak blu, Me një djalë Ferri fshatar, ishte dashuruar...
Ah Buza jote Si u plasarit ashtu atë ditë, Si më puthe me aq afsh, atë natë, Si më mbulove ashtu me atë muzg violë Me flokët e tu si tufë mimoze, ti vjeshta ime e artë?!.
Por dhe sot, me atë buzë të çarë si një shegë në degë, Ti më puth në ëndrra si në adoleshencë, Si atëherë nëpë frutore Më puth, Ti përsëri, Si në muzgun ngjyrë manushaqe, Shtrirë me mua nën një shelg, nën një qershi.
Dhe me puth Me të njëjtin afsh Krejt, krejt si atëherë
Moj veshta ime flori që nuk m'u bëre kurrë pranverë.
-- EDHE PSE
Edhe pse ti Nuk flet me mua, Kalo nga rruga ime, S'rri rruga ime pa trillet e takave të tua...! --
ZGJATA DORËN
Zgjata dorën te gonxhja e trëndafilit, Trëndafili Më tregoi dhëmbët e gjembae... Gishtat m'u mbushën me gonxhe të kuqe gjaku !
Zgjata dorën te hoja e mjaltit, Bleta Më tregoi dhëmbin e thumbit me egërsi
Dhe kulloti në gonxhet e gishtave të mi !
-- BIJA E DIELLIT
Ra nata, Po ku ra e zeza? Në Humnerë, Në pafundësi? Po ç'indi dielli prej qiellit?
Dita, bija më e bukur e diellit... --
VIZITË TE DRITARJA E PUTHJES SË PARË
Liceut Artistik. Muri Me myshk. Kanatat e dritares Së klasës së pikturës të kalbura. S'është më e re si atëherë dritarja. Dhe ne s'jemi më të rinj si atëherë, Kur bisedonim Këtu Të dy. Këtu unë të preka vetëm dorën Dorën time që dridhej shtrëngove në gji.
Këtu u puthëm për herë të parë. Puthje që s'e provova më Kurrë Një jetë, Po ne s'jemi bashkë sot Te dritarja jonë e shkretë.
Erdha vetëm te dritarja jonë E dashuria ime Liceiste, Vetëm fill, Pranvera ime, liceiste, Blerimi im i blertë i muajit prill.
Pranvera S'm'i shrtroi Si dikur uleshqerrat Si pjata të bardha mbi bar, Qershia S'më spërkati Me petale të bardha si dikur. Manushaqja pa avujt e tokës S'e nxjerr kokën nga dheu, kurrë.
Pa avujt pranveror të buzëve të tua, buza ime nuk çel, Zemrës sime veç teje, Liceiste, Nuk i vibron kush As një tel...
Vrapo te dritarja e puthjes sonë të parë, Kur u puthëm mbështetur mbi mur, Eja që dritarja të mos kalbet më Eja të puthemi prapë si dikur.
Eja,bëhu erë Eja Eja Eja, pra, Ti marsi im, Ti prilli, ti maji im me shira dhe erë Dhe shih po s'u mbushe me sytha. me gjethe Dhe shih po s'u bëre ti motër e stinës pranverë... --
NËNË
T'u bënë njëzet e katër vjet, nënë, Atje në Hades. Me babanë Ç'bëni Si shkoni të dy Pi babai Zihet Grindet me ty? Jeni në Parajsë, Në Parajsë s'ka grindje zënka, mëri ?
Më gëzove moj nënë që paskeni harmoni! --
PYETJE
Na la babai Pse? Iku Me vdekjen?! (Po vdekja s'ka zemër) Ku shkoi me të? Në Had? Po ne ku na la, Në ferr apo parajsë ?
-- NË DJALL
Po më bën për vete djalli çdo ditë. Shpëtomë, të lutem, zoti Zot ! S'dua të jem shok i djallit, Satanait... Si ?! S'më shpëtuake dot?
Në djall, atëherë, edhe ti, zoti Zot ! --
TONET
Tone Të larta, Njerëz të ulët, të dobët. Tone Të ulëta, Njerëz të lartë, të fortë. Tone të ashpra, Njerëz të brishtë, butë. Tone Të buta, Njerëz të ashpër. Tone Cicëruese, Vezë të bardha pa zogj. Ngjyra Pa pigment, lule të venitura, pa erë Njerëz pa mendime, njerëz si pemë dekorative... --
S'MË DHE
S'ma dhe zjarrin e zemrës. Më jep së paku Hirin.
Të ushqej lulet e shpirtit!
-- TRANSFORMIMI
Kulla Eifel. Natë parisiane. Në majë të kullës Hëna Tri netshe. E ktheu Eifelin në xhami.
Katedralja e Shemërisë shpërtheu në xhelozi.
-- SË BASHKU ME HËNËN
Një mbrëmje Ulur Në kafe Pranë sheshit Shanz Elize I vetmuar po prisja Të pija Një kafè. Befas Doli hëna e plotë Si vajzë myzeqare me napë të bardhë. E ftova në çast të ulej me mua në tavolinë. Ajo la qiellin, zbriti me vrap. Erdhi tek unë Pa e hequr fare shaminë.
Në kafen luksoze pranë sheshit Shanz Elize Bashkë me hënën shamibardhë Piva një kafè...
FASLLI HALITI
|