PËRSHËNDETJE ZOGUT Poemë nga JACQUES PRÉVERT Përktheu: FASLLI HALITI
E Djelë, 04.27.2014, 05:29pm (GMT+1)
PËRSHËNDETJE ZOGUT
Përshëndetje ty Grifshë uji sterr të zi si një unazë e zezë që e njoha dikur zog i zanave zog i zjarrit zog i rrugëve zog i hamejve i djemve dhe budallenjve Të përshëndes zog zbavitës zog i qeshur dhe unë përskuqem para paraardhësit tënd dhe tretem në mish edhe kockë dhe në fishekzjarre mbi shkallët e baskisë të sheshit Shen Sulpicio në Paris ku kaloje shpejt atëherë kur unë isha fëmijë duke qeshur mes gjetheve të erës Përshëndetje zog zbavitës zog kaq i gëzuar dhe kaq i bukur, zog i lirë zog i njëjtë zog vëllazëror zog i lumturisë natyrore Të përshëndes dhe më bën të kujtoj orët më të bukura Përshëndetje zog i dashurisë zog i përkëdhelisë së parë s'do ta harroj kurrë të qeshurën tënde kur i strukur atje lart mbi kullë zog i mrekullueshëm i humorit ti shkelje syrin duke treguar me krah zogjtë krrokatës të moralit lejlekë të mjerë njerëzorë dhe jonjerëzorë korba të blertë të Shën Sulpicios zogj të trishtë ferri zogj të trishtuar parajse endacakë përreth ndërtesës duke mos e parë vajzën të fshehur midis skelave që gati po shkopsiste këmishën dhe djalin e verbuar nga dashuria Përshëndetje zog i kolltukëve zog i djemve të dashuruar Përshëndetje zog i burrërisë Përshëndetje zog i qyteteve Përshëndetje zog i atij që dërgon zog i periferisë zog i Gros - Kejllut zog i Pëti - Shamps. zog i Tregut zog i të Pafajshmëve Përshëndetje zog i Shërbyesve të Maries zog i Mbretit të - Sicilies Zog i të nëndheshmëve Zog i pastruesve të gjirizeve Zog i qymyrxhinjve të leckashitësve Zog i kapelabërësve të rrugës së Rosiersve Përshëndetje zog i të vërtetave të para zog i fjalës së dhënë zog i sekreteve të ruajtura mirë Përshëndetje zog i trotuareve zog i proletarëve zog i Një Majit Përshëndetje zog civil zog i ndërtimeve zog i njerëzve të shkathët dhe furrnaltave Përshëndetje zog i grave me orë zog i dordolecëve prej bore zog i diellit dimëror zog i Asistencës së Fëmijës zog i Merkatos së Luleve dhe qethësve të qenve Përshëndetje zog i ciganëve zog i të mirëve për asgjë zog i metrosë së zbuluar Përshëndetje zog i lojërave të fjalëve zog i lojës me dorë zog i lojës fshatshe Përshëndetje zog i kënaqësisë së ndalur zog i të palumturve të vdekurve nga uria zog i vajzave nëna dhe vajzave të kopshteve publike zog i dashurive efemere dhe i putanave Përshëndetje zog i ushtarëve të liruar zog i rebelëve zog i rrëkeve zog i prrockave Të përshëndes zog i spitaleve zog i Salpetrieres zog i Martenitetit zog i rrugaçërisë zog i varfërisë zog i dritës së prerë Të përshëndes Feniks i fortë dhe të emëroj President të Republikës se Vërtetë të Zogjve dhe të bëj dhuratë para kohe cigaren time të jetës që kur të kem ikur unë ti të rilindësh nga hiri i mikut tënd të dashur.
Përktheu: FASLLI HALITI
|