Bunkeri për mbrojtje nga sulmet atomike - ekzistenca e të
cilit ishte mbajtur sekret në Jugosllavinë socialiste është shndërruan
në muze të madh të Luftës së Ftohtë.
Labirinti me tunele, salla
të errëta dhe dyer të rënda prej çeliku, strehimorja e luftës atomike
ndërtuar prej liderit jugosllav, Josip Broz Tito, janë përdorur prej
vitit 2011 si lokacion për hapje ekspozitash. Por tani artistët
preferojnë diçka tjetër, krejtësisht të re.
"Ne dëshirojmë ta bëjmë muze të Luftës së Ftohtë, një muze hibrid që
do të jetë edhe ushtarak, edhe artistik", ka deklaruar Edo Hoxhiq, që u
ka prirë përpjekjeve publike për të hapur strehimoren. "Kur hyjmë
brenda, udhëtojmë nëpër kohë".
Ndërtuar 280 metra nën tokë dhe me 604 metra katrorë, bunkeri është
pothuajse i padukshëm nëse kaloni rreth lokacionit në periferi të
qytetit Konjiq, në jug të Bosnjës, rreth 40 kilometra larg Sarajevës.
Tito, që i priu Jugosllavisë së dikurshme prej përfundimit të Luftës
së Dytë Botërore deri në vdekje, më 1980, shfrytëzoi luftën e ftohtë për
të baraspeshuar shtetin ndërmjet Lindjes dhe Perëndimit, dhe ndërtoi
aleanca gjithandej botës.kd