Dy ushtarë të Ukrainës janë vrarë
dhe tre të tjerë janë plagosur nga shpërthimi i një mine tokësore në
rajonin Luhansk, në pjesën lindore të Ukrainës.
Hennadiy Moskal, udhëheqës ukrainas i këtij rajoni, ka thënë sot se
një makinë ushtarake e Ukrainës dje ka hasur në minë në afërsi të
fshatit, Yekaterinivka.
Moskal ka thënë se dy persona në veturë janë vrarë nga eksplodimi.
Pjesa jugore e rajonit të Luhanskut në Ukrainë është nën kontrollin e separatistëve prorusë.
Njëherësh, zyrtari i lartë i kryengritësve prorusë, Eduard Baturin, u
tha gazetarëve lokalë se një luftëtar separatist është vrarë dhe
gjashtë të tjerë janë plagosur.
Mbi 6100 njerëz janë vrarë nga luftimet në mes të forcave ukrainase
dhe kryengritësve pro rusë në pjesën lindore të Ukrainës, prej vitit të
kaluar, kur ka filluar ky konflikt, megjithë armëpushimin e arritur në
muajin shkurt të këtij viti.
Comments (0)
Dërgoja shokut
Printo
