PRESIDENTI OBAMA ARRIN NË LISBONË PËR TAKIMIN E NATOS
E Premte, 11.19.2010, 02:34pm (GMT+1)
Voal-online - Presidenti amerikan Barak Obama arriti në kryqytetin portugez, Lisbonë, për të marrë pjesë në takimin e Natos ku Afganistani pritet të jetë tema kryesore. Udhëheqësit e aleancës ushtarake prej 28 anëtarësh pritet të diskutojnë të ardhmen e përpjekjeve të Natos në këtë vend të Azisë Jugore dhe dorëzimin e sigurisë tek forcat afgane deri në 2014-ën. Zoti Obama pritet të prezantojë një plan katër-vjeçar për tërheqjen e 130 mijë trupave të Natos, që do të fillojë vitin e ardhshëm. Një zëdhënës i Pentagonit, Xhef Morel, tha dje se datat nuk janë të pandryshueshme. Ai tha se planet janë që tranzicioni të përfundojë nga fundi i 2014-ës, që në fakt do të thotë në 2015-ën. Forcat e Natos pritet të vazhdojnë stërvitjen dhe punën humanitare edhe për ca kohë pas asaj date. Gjatë takimit dy-ditor, krerët e Natos pritet të paraqesin një koncept të ri strategjik për aleancën që do të përfshijë mbrojtje më të fuqishme nga terrorizmi kibernetik dhe raketat balistike.
http://www.voal-online.ch
|