Turqia nuk ka ndërmend ta zvogëlojë numrin e ushtarëve në përbërje të KFOR-it
E Hënë, 04.13.2009, 08:43am (GMT+1)
Voal-online - "Turqia nuk do ta zvogëlojë numrin e ushtarëve në përbërje të KFOR-it", ka deklaruar në Prizren komandanti i kontingjentit turk në Kosovë Yahya Bacak (Jahja Baxhak). Derisa nuk do të marrim ndonjë kërkesë zyrtare nga ana e NATO-s për zvogëlimin eventual të numrit të ushtarëve, ne do të vazhdojmë t'i ndihmojmë Kosovës sikurse deri tani", është cituar të ketë thënë për mediat vendëse komandanti turk Yahja Bacak. Komandanti turk Yahja Bacak ka shtuar po ashtu se Turqia është duke punuar më tej edhe për rimëkëmbjen ekonomike dhe të gjithanshme të Kosovës. Turqia ka deri tani 650 ushtarë të pranishëm në Kosovë, ndërsa vendqëndrimi i tyre është në kazermën "Sulltan Murati" në qytetin e Prizrenit.
|