Këto ditë njohja e Kosovës nga Kuvajti dhe Bahreini
E Djelë, 04.26.2009, 02:31pm (GMT+1)
Voal-online Agjencia INA, duke iu referuar burimeve në mediat e Kosovës, bën të ditur se këto ditë pritet që Kosovën ta njohë Kuvajti. Njohja nga Kuvajti ishte premtuar nga vetë emiri i Kuvajtit (emir - princ sundimtar) pak para shpalljes së pavarësisë, por akti i njohjes është shtyrë për dy arsye. Mungesa e një koordinimi brenda shteteve arabe të Gjirit Persik dhe kriza e brendshme politike në Kuvajt. Kuvajti ka një strukturë demokratike të qeverisjes dhe kriza e shpeshtë parlamentare e ka tërhequr vëmendjen në probleme të brendshme. Njohja nga Arabia Saudite është katalizator në njohjen nga Kuvajti, po ashtu edhe për faktin se këto dy shtete kanë lidhje të ngushta njëra me tjetrën. Edhe Bahrejnin pritet ta njohë Kosovën në lëvizje të koordinuar me Kuvajtin, në mos më herët. Bahrejni ka kaluar të gjitha procedurat e parapara me ligj dhe rasti i Kosovës tashmë gjendet në zyrën e emirit të Bahrejnit. Njohja nga Kuvajti dhe nga Bahrejni është shumë e rëndësishme, sepse hap rrugën për njohjen e Kosovës edhe nga shtete të tjera të Gjirit Persik. Shteti i Kuvajtit ka dalje në bregdetin e Gjirit Persik. Kufizohet me Arabinë Saudite në jug, kurse me Irakun në veri dhe perëndim. Kuvajti është shteti i pestë në botë që ka rezervat më të mëdha të naftës dhe vendi më të ardhurat më të larta për kokë banori në botë.
|
Comments (0)
Dërgoja shokut
Printo
