Shkup, 1 dhjetor - Prej sot fillon lustrimi i gazetarëve dhe priftërinjve. Në pajtueshmëri me ligjin, për gjithë gazetarët që kanë marrëdhënie të rregullt pune prej ditës së sotme fillon detyrimi për paraqitjen e deklaratës të verifikuar në noter se nuk kanë qenë bashkëpunëtor të shërbimeve sekrete, njofton Zhurnali.

Procedurë identike është paraparë edhe për personat priftërinj. Nëse për ndonjërin nga gazetarët dëshmohet se ka qenë bashkëpunëtor, pronari i mediumit vetvetiu duhet të vendos, nëse ai do ngelet në detyrë.

Që në start këtë proces e kanë ndjekur kontroverse. Një numër i madh i gazetarëve nuk kanë marrëdhënie të rregullt pune, pra shkruajnë si honorarë që do të thotë se procesi nuk do t'i prekë të gjithë pjesëtarët e "fuqisë së shtatë".

Priftërinjtë me qëndrim se nuk duhet t'i nënshtrohen procesit, pasi që jetojnë sipas ligjeve të Zotit.

Për sot është caktuar seancë e rregullt e Komisionit për verifikim të fakteve dhe sipas informacioneve në rend dite para lustratorëve do të gjendet një ish ministër.

Burimet konfirmojnë se emri i tij përmendet në shumë vende në dokumentet e arkivuara, por ende nuk dihet nëse do të shpallet si bashkëpunëtor i shërbimeve sekrete.

(http://www.koha.net)

 

Rating (Votes: )

Comments (0)

Dërgoja shokut

Printo

---