Pas disa shtyrjeve, për shkak të agjendës së ngjeshur të ish presidentit amerikan, Bill Clinton, të dielën ai do të vizitojë Prishtinën, ku do të bëhet inaugurimi i shtatores së tij. Kryeministri Hashim Thaçi me këtë rast ftoi qytetarët që të dalin në sheshin Bill Clinton për t'i bërë një pritje sa më madhështore.

Ndryshe në mbledhjen e sotme të qeverisë është miratuar propozimi për përdorimin e llambave fluoreshente dhe projektligji për plotësimin dhe ndryshimin e ligjit për inspektoriatin policor të Kosovës. Me këtë rast ministri i Punëve të Brendshme, Zenun Pajaziti tha se Inspektorati Policor i Kosovës është një institucion i rëndësishëm që ka për detyrë inspektimin e performancës së policisë. Deri më tani këto kompetenca kanë qenë të pamjaftueshme në përputhje me synimet tona për luftimin e krimit dhe për këtë na duhet një performancë edhe më e mirë, pohoi Pajaziti.

Ndërsa pika 3, gjegjësisht shqyrtimi i kërkesës për transferimin e mjeteve nga programi i fshatit Hade në projekte tjera kapitale të Ministrisë së Mjedisit dhe Planifikimit Hapësinor dhe pika 6, gjegjësisht shqyrtimi i projekt rregullores për Agjencitë e Ushqimit dhe Veterinarisë, janë shtyrë për mbledhjen e radhës.

(http://www.rtklive.com)

Rating (Votes: )

Comments (0)

Dërgoja shokut

Printo

---