SHQIPËRIA MË 2015 SYNON KUFIJ PA KONTROLL ME KOSOVËN
E Martë, 08.26.2014, 08:17am (GMT+1)
Tiranë, 26 gusht - Qeveria në Tiranë synon që në vitin 2015 të heqë plotësisht kontrollin në kufirin Shqipëri-Kosovë.
Kryeministri Edi Rama theksoi vendosmërinë për transformimin përfundimtar të kufirit mes të dy vendeve gjatë sezonit turistik. Ai u zotua që prej vitit 2015 të mos ketë asnjë pengesë dhe pa kontroll të jetë lëvizja e shtetasve dhe mjeteve mes Kosovës dhe Shqipërisë, veçanërisht në sezonin turistik.
Rama theksoi vendosmërinë për transformimin përfundimtar të kufirit të Shqipërisë me Kosovën. Kryeministri foli në takimin me drejtues të Policisë së Shtetit. Takimi kishte temë mbrojtjen e territorit, mjedisit dhe luftën kundër trafiqeve, drogës dhe krimit të organizuar.
"Kemi hedhur një hap të parë, por të pamjaftueshëm, për ta shndërruar kufirin që ndan Shqipërinë me Kosovën në një kufi inekzistent gjatë periudhës së sezonit turistik. Por, do të përgatitemi që vitin e ardhshëm kufiri të jetë i lirë dhe mjetet që qarkullojnë në atë kufi në funksion të prurjeve të turistëve nga Kosova, të qarkullojnë pa asnjë kontroll", theksoi ai.
www.voal-online.ch
|