Pallati Presidencial rrënojë
Epiqendra e tërmetiti 15 km nga kryeqyteti i Port-au-Prince.
Voal-online Një tërmet me magnitudë 7 ka rrënuar të martën pasdite, që sipas orës së Europës i bie gjatë natës, ishullin e Haitit. Tërmeti i cili përgjatë disa orëve ka shkaktuar disa lëkundje e pati epiqendrën 15 km larg kryeqytetiti Port-au-Prince.
Lëkundja e parë sipas orës së Europës ishte në 23: 24, duke shkaktuar rrënimin e shumë ndërtesave, midis tyre edhe Pallatit Presidencial, por sipas burimeve diplomatike të Haititi në Qytetin e Meksikës presidenti i Haitit Rene' Preval është gjallë.
Po sipas burimeve numri i atyre të mbetur nën rrënoja është me mijëra, ashtu si edhe ai i viktimave. Popullsia e Haitit është duke konsumuar një tragjedi kombëtare, që i shtohet dramës së varfërisë, pasi Haiti shënohet si njëri prej vendeve më të varfër të botës, dhe më i varfëri i kontinentit amerikan.
Sekretarja e Shtetit Hillary Clinton ka thënë menjëherë pas katastrofës se SHBA do të bëjnë gjithçka për t'i siguruar Haitit mbështetjen maksimale. «Jemi gati për të dërguar mjete civile dhe ushtarake për të ndihmuar personat në nevojë -ka shpjeguar Clinton jemi po ashtu gati për të dërguar asistencën humanitare të nevojëshme ».
Fjalë që janë mbështetur menjëherë dhe nga presidenti Obama. Veç SHBA, kanë deklaruar se do të mbështesin Haitin edhe vende të tjera si Franca, Kanadaja, Italia.
Edhe OKB ka deklaruar se ka mobilizuar nëgjendje alarmi të gjitha zyrat e saj në botë për të menaxhuar këtë situatë tragjike, që mund të dalë jashtë kontrollit. Sipas zëdhënëses së OKB-së, Stephanie Bunker, e cila po ashtu ka nëvizuar se OKB-ja është duke bërë një mobilizim maksimal për të mbështetur Haitin, për të përballuar katastrofën natyrore dhe njerëzore.
Magnituda e tërmetit që rrënoi Haitin
Epiqendra 15 km larg kryeqytetit Port-au-Prince
Comments (0)
Dërgoja shokut
Printo
