PA DËME TËRMETI ME EPIQENDËR NË AFËRSI TË GJILANIT
E Hënë, 04.06.2015, 10:42am (GMT+1)
 Dridhjet që përfshin rajonin e Gjilanit para disa minutave u shkaktuar nga një tërmet që kishte epiqendër Livoqin e Poshtëm të kësaj komune.
Dridhjet janë regjistruar nga stacioni sizmologjik, që po ashtu është i vendosur pikërisht në epiqendrën e këtij tërmeti.
Këtë për KosovaPress, e konfirmoi udhëheqësi i Divizionit Seizmologjik, Shemsi Mustafa.
Ai bëri me dije edhe magnitudën e këtij tërmeti.
"Në 10:50 janë regjistruar dridhjet. Epiqendrën e kishte në Livoq të Poshtëm, afër Gjilanit. Mu aty e kemi edhe stacionin. Magnituda e këtij tërmeti ishte 3.4 shkallë të rihterit", tha Mustafa.
Por këto dridhje nuk kanë qenë aq të mëdha sa të shkaktojnë dëme materiale apo në njerëz. Mustafa, tha se ka marrë konfirmimin nga zyra për emergjenca në Gjilan dhe deri më tani nuk është regjistruar asnjë dëm.www.voal-online.ch
|
Comments (0)
Dërgoja shokut
Printo
