"Njeriu që ec" është shitur në Sotheby's për 74,2 milionë euro
Voal-online Nga Londra bëhet e ditur se skulptura e zviceranit Alberto Giacometti (Alberto Xhakometi), 'L'uomo che cammina' (Njeriu që ec) është shitur në shtëpinë e ankandave Sotheby's për 74,2 milionë euro, duke thyer rekordin botëror të çmimit të një vepre artti të shitur në ankand. Këtë e ka bërë të ditur zëdhënësi i shtëpisë së ankandeve. Skulptura e Giacometti-t është shitur me një çmim trefish më të lartë se vlerësimi i saj më i lartë nga ekspertët e këtij tregu.
Rekordi botëror i mëparshëm i çmimit të një vepre arti të shitur në ankand mbahej nga kuadri i Pablo Picasso-s, 'Vajza me cigarishte', shitur 66,3 milionë euro nga Sotheby's New York më 2004. "Pas një gare prej tetë minuash, të shpejtë por intensive, midis dhjetë blerësve të mundshme, vepra është blerë nga një anonim në telefon," ka thënë shtëpia e ankandeve Sotheby's në një komunikatë. Skulptura në bronx ishte shitur nga banaka gjermane Commerzbank. Lindur në Borgonovo (Zvicër) më 1901 dhe vdekur më 1966 pasi kishte jetuar në Romë, Paris e Gjenevë, Giacometti është bërë i famshëm për skulpturat e tij të figurave njerëzore të hajthme e në formën e fillit të perit. (http://www.ansa.it)
Comments (0)
Dërgoja shokut
Printo
