Voal-online Disa mijëra veta kanë protestuar dje në Sarajevë, para ambasadave të Britaninë së Madhe dhe të Serbisë, kundër arrestimit në Londër, mbi bazën e një urdhëri ndalimi të lëshuar nga Beogradi, të Ejup Ganiçit, ish anëtar i presidencës kolegjiale boshnjake gjatë kohës së luftës (1992-95).
Manifestimi është mbyllur pa incidente dhe kanë marrë pjesë një numer kryesisht njerëzish të moshuar të cilët kanë marrë ftesa nga shoqatat e veteranëve të luftës, si dhe studentët e Sarajevo School of Science and Technology (Shkollës së Shkencës dhe Teknologjisë të Sarajevës), të universitetit ku Ganiç është rektor dhe mësimdhënës. ''Britania e madhe, turp të kesh!'', ''çfarë të bënim veçse të mbroheshim nga agresorët'': këto ishin parullat e shqiptuara nga manifestuesit, të cilët e kanë ftuar me zë të lartë Serbibë të kapë kasapin e Srebrenicës Ratko Mladic, kërkuar nga gjykata ndërkombëtare për genocid dhe krime kundër njerëzimit'.
''Nuk kishit të drejtë të mbroheshit dhe sot nuk keni të drejtë për përparim.' Ky është mesazhi që kishte arritur nga Londra'', tha Ivo Komsic, anëtar edhe ai si Ganic i presidencës kolegjiale boshnjake gjatë konflikit. Për Emir Nuhanovic, arrestimi i Ganiçit "është një turp për Bashkimin Evropian dhe për njerëzit e tij të cilët pastaj vijnë e na flasin këtu për të drejtat njerëzore."
Serbia e akuzon Ganiçin, bashkë me 18 ish udhëheqës të tjerë boshnjakë, për vdekjen e disa ushtarakëve të Beogradit më 3 maj 1992, një muaj pas fillimit të rrethimit të Sarajevës, vrarë teksa largoheshin nga komanda e rajonit ushtaral të ushtrisë së atëhershme jugosllave
(JNA), në shkëmbim të lirimit të presidentit boshnjak Alija Izetbegovic, mbajtur i burgosur nga JNA.
Lidhur me këtë rast kanë hetuar në vitin 2003 edhe disa hetues të Gjykatës Ndërkombëtare të Hagës (TPI), por pa gjetur ndonjë krim të kryer nga Ganiçi.
Zemërimin dhe dëshpërimin e tanishëm e ka shkaktuar dje në Sarajevë lajmi i seancës së apelit të gjykatës së Londrës për lirimin me kusht të Ganiçit, parashikuar për dje, por shtyrë për datën 11 mars, në mënyrë që t'ia lejojë Serbisë të paraqesë në Gjykatën e Londrës prova të "freskëta" kundër Ganiçit, të tjera nga ato që ishin paraqitur në TPI para gjashtë vjetësh. (http://www.ansa.it)