Ky zoti Pollo dje i quajti sharlatanë ata që janë kundër regjistrimit me vetëdeklarim të etnisë dhe të fesë. Sot, nga tribuna e parlamentit shqiptar, këta kundërshtarë i quajti zyrtarë faqezinj. Ku e gjen të drejtën ky shtetar i lartë, me post ministri, të fyejë zotin Kreshnik Spahiu dhe Aleancën Kuq e Zi që ai përfaqëson. A është në vete ky ministër? Humbja e vetëkontrollit ka bërë që ku deputetministër të zbulojë pa dashje misionin që i është ngarkuar nga shovinizmi i rreckosur grekomadh dhe kisha shoviniste greke për ndryshimin e përbërjes etnike të popullsisë në Shqipëri. Nervozizmi i tij të bën të bindesh se ai po shqetësohet për dështimin e misionit që atij ia ka ngarkuar shovinizmi i shpëlarë athinjot. Këtij zotit Pollo dëshiroj t'i sjellë në kujtesë një deklaratë të paradokohshme të shkrimtarit tonë të madh zotit Ismail Kadare, të cilën ky e ka bërë në një intervistë që i ka dhënë analistit dhe publicistit të mirënjohur, zotit Aleksandër Çipa. Ja çfarë deklaron zoti Kadare:
"Doktrinës së padënuar (antishqiptare nw Ballkan - E.Y.) i është bërë një rishikim. Nuk shtrohet më çështja si më pare: dëbim, shpërngulje, spastrim etnik, por të gjitha këto zëvendësohen nga një fjalë, që tingëllon tepër joshëse për shovinistët ballkanas: deshqiptarizim". (Citohet sipas: Aleksandwr Çipa. "Ismail Kadare: Po punohet te na ndajne nga Evropa". Marrw nga faqja e internetit. 19.05. 2011).
Pë dijeninë e mbarë bashkëkombasve të mi të nderuar, ky deputetministri Pollo, me urdhër të shovinizmit të telendisur grekomadh dhe të kishës shoviniste greke, ka marrë përsipër të kryejë misionin e deshqiptarizimit të popullit shqiptar të Shqipërisë Londineze.
Ky zoti Genc Pollo është përmetar. Po si është e mundur që ky deputetministër përmetar nuk tregoi as shqetësimin më të vogël kur në Kosinën e Përmetit të tij, me urdhër të komisarit politik të Athinës në Shqipëri, kryeshovinistit Anastas Janullatosit, zhvarroseshin eshtra shqiptarësh dhe deklaroheshin për eshtra ushtarësh agresorë grekë? Si është e mundur që ky deputetministër përmetar të heshtë, kur Anastas Janullatosi ka pushtuar Shtëpinë e kulturës "Naim Frashëri" në Përmet, e cila përfaqëson një simbol të kombit shqiptar? Ndërkohë që me vendim të të trija shkallëve të gjyqësorit, kjo shtëpi kulture i është kthyer popullit të Përmetit, por, çuditërisht, këto vendime nuk zbatohen!!! A ka përgjegjësi ky politikan përmetar për këtë situatë paradoksale që është krijuar në Përmet?
Tradhtia nuk ka ka për ta çuar larg deputetministrin Pollo. Prandaj kanë të drejtë të gjithë ata zotërinj që në faqet e djeshme të gazetës "Telegraf" i kujtonin gjyshin e tij Take Pollo, tradhtarin e urryer të kombit shqiptar, spiunin e fëlliqur të Megaliidesë.
Santa Barbara, Kaliforni
07 korrik 2011