E Mërkurë, 08.12.2020, 04:06pm (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
OPINONE-EDITORIALE
 

PUTINI FITON - RUSIA HUMB

Nga FRANK SHKRELI


E Martë, 03.06.2012, 06:17pm (GMT+1)

Policia ruse arrestoi me qindra demonstrues, përfshirë edhe tre udhëheqës të opozitës, pasi protestuan për zgjedhjet e së dielës që kaloi, të cilat përfunduan në ri-zgjedhjen e Kryeministrit Vladimir Putin për një afat të tretë si president i Rusisë. Demonstruesit në Moskë dhe anembanë vendit thonë se partia e Putinit, ''Rusia e Bashkuar'', është një parti "hajnash e gënjeshtarësh'' dhe se manovra për të rivendosur veten e tij si president rishtas i Rusisë, nuk është legjitime. Ata kanë akuzuar regjimin e Putinit se ka vendosur kufizime të mëdha mbi lirinë e shtypit e të medias, se po bën presion të madh ndaj organizatave jo-qeveritare dhe për korrupison masiv.

Megjithëkëto akuza, fitorja e Putinit nuk ishte kurrë në dyshim. Vet Putini pat thënë ca kohë më parë se ai dhe presidenti Medevedev kishin rënë dakord, vite më parëe, se ai do të kthehej në presidiencë. Kështu edhe ndodhi, sipas planit të tyre. Ai u tha përkrahësve të tij në një miting në Kremlin se, ''Unë u kam premtuar se do të fitoj, dhe unë fitova. Ne kemi fituar në një betejë transparente dhe të ndershme.'' Me lotë në sy, ai i falënderoi përkrahësit e tij duke thënë se me zgjedhjen e tij president, ata ''parandaluan rënien e vendit në dorë të armiqve që u përpoqën të merrnin pushtetin me forcë.''

Mirëpo, vërejtësit e huaj dhe vendorë thanë se gjatë procesit të zgjedhjeve kishin shënuar mijëra çrregullime e mangësi në një të tretën e qendrave të votimit, anembanë vendit. Për më tepër, në një deklaratë të Organizatës për Sigurim dhe Bashkpunim në Evropë (OSBE), thuhet se zgjedhjet në Rusi favorizonin Putinin, pasi në të vërtetë nuk ekzistonte një garë e vërtetë dhe e barabartë midis kandidatëve. Organizata tha se abuzimi i burimeve qeveritare dhe mjeteve të informimit, garantuan se fituesi nuk ishte kurrë në dyshim.

Ndërsa një pjesë e popullsisë ruse po e bën të ditur qëndrimin e sajë kundër ri-zgjedhjes së Putinit me protesta, mijëra të tjerë demonstruan në përkrahje të Putinit, ndërkohë që Uashingtoni zyrtar dhe Brukseli u bënë thirrje udhëheqësve rusë që të ndërmarrin hetime të pavarura dhe të besueshme për të identifikuar mungesat dhe çrregullimet e dokumentuara të zgjedhjeve nga vërejtësit vendorë dhe ndërkombëtarë.

Burime të medias perëndimore nga Moska flasin për një atmosferë pothuaj depresioni dhe dorëzimi në radhët e disa segmenteve të popullsisë, sidomos rinisë, pas ri-zgjedhjes së Putinit president, sidomos, siç thonë ata, kur të merret parasysh mundësia që ai të jetë president deri në vitin 2024. Gazeta Nju Jork Tajms citon një 21-vjeçare e cila thotë se "ekziston ndjenja se tani (me rizgjedhjen e Putinit president) gjithçka ka marrë fund…. Dhe se vitet më të mira të jetës time (fatkeqësisht) ia kam dhënë Putinit.’’

Ish- udhëheqësi sovjetik Gorbaçov i tha agjencisë ruse të lajmeve Interfax se fitorja e Putinit ishte një humbje për Rusinë pasi zgjedhjet nuk përfaqësojnë vullnetin e vërtetë të rusëve. Ky është edhe mendimi i shumë ekspertëve dhe komentuesve, sipas të cilëve, megjithë fitoren e tij të dielën, fasada e Putinit ka filluar të thyhet e të shkatërrohet, pasi kufizimet e lirisë dhe vështirësitë e problemet e jetës së përditshme të rusëve, demonstrojnë gënjeshtrat zyrtare të Kremlinit gjatë periudhës së udhëheqjes së Putinit. Ata thonë se megjithëse gjatë dekadës 2000, Rusia shënoi disa përparime në ekonomi, kryesisht falë rritjes së çmimit të naftës dhe lëndëve të para, jeta e rusëve, siç është rasti edhe me disa shoqëri tjera post-komuniste, mbetet gjithnjë e deformuar dhe e shëmtuar nga qeverisja komuniste 70-vjeçare. Rusia humb me fitoren e Putinit, pasi statistikat flasin vetë për "arritjet’’ e Putinit në Kremlin. Të ardhurat mesatare në Rusi , sipas një artikulli në rëvistën amerikane Njusuikë, nuk janë shumë më të larta se në Turqi; jeta mesatare është 63 vjeç dhe popullsia ruse është duke u pakësuar me një ritëm alarmant. Sipas Kombeve të Bashkuara, deri në vitin 2055, në krahasim, Egjipti do të ketë një popullsi më të madhe së Rusia. Revista Njusuikë thekson gjithashtu se ‘’Rusia, dikur njëra prej qendrave të lavdishme të letërsisë dhe muzikës përendimore – atdheu i Turgenev-it dhe Çajkovsk-it --tani duket gjithnjë e më shumë si Nigeria me borë.’’

Fatkeqësisht, me ardhjen e Putinit për të tretën herë në presidencën ruse, nuk humb vetëm Rusia, por humb edhe mirëvajtja e marrëdhënieve ndërkombëtare dhe gëzohen fitojnë diktatorët kudo, pasi në Putinin ata kanë një mbrojtës të vendosur. Në frymën më të mirë të luftës së ftohët, Vladimir Putin akuzoi Sekretaren Amerikane të Shtetit Hillari Klinton se po inkurajon dhe financon protestat anembanë Rusisë. Për më tepër, Rusia, nën udhëheqjen e Putinit, nuk u bashkua me komunitetin ndërkombëtar për të rrëzuar diktatorin Kadafi në Libi; i shet armë regjimit sirian, i cili i përdor ato për të masakruar popullin e vet, ndërkohë që bllokon edhe marrjen e masave nga Kombet e Bashkuara për të ndihmuar popullin sirian. Bllokon sanksionet ndërkombëtare ndaj Iranit, pengon përmirsimin e marrëdhënjeve midis NATO-s e Rusisë, dhe kërcënon vendosjen e raketave drejtuar Evropës.

Me këtë realitet politik të pandryshueshëm në Rusi – dmth. me ri-zgjedhjen e Putinit për të tretën herë president, që patjetër afekton edhe marrëdhëniet ndërkombëtare, ish ambasadori amerikan në NATO, Kurt Volker, në një artikull të kohëve të fundit botuar në gazetën Krishçën Sajënc Monitor, thotë se, " Shtetet e Bashkuara dhe Evropa duhet të ndryshojnë politikën e tyre të tanishme ndaj Kremlinit – duke bashkëpunuar me Moskën kur një gjë e tillë është e mundur – por, në të njëjtën kohë duke marrë qëndrime të forta publike kundër korrupsionit politik në Moskë, dhe në përkrahje të qëllimeve dhe vullnetit legjitim të popullit rus, të shprehura nëpërmjet një procesi vërtetë demokratik.’’ Ambasadori përfundon artikullin e tij duke thënë se "populli rus duhet ta dijë se vendet demokratike përkrahin aspiratat e tij për demokraci, dhe vet Putini duhet të jetë i vetdijshëm se ka pasoja, në qoftë se ai vazhdon të ngulë këmbë në zbatimin e politikave të tij të vjetra’’.

Vladimir Putini bëri çmos për të fituar presidencën ruse për të tretën herë me një shumicë dërmuese votash prej 64 për qind, zgjedhje, të cilat sipas vëerejtëse vendorë dhe ndërkombëtarë kishin shumë çrregullime dhe mangësi serioze. Megjithkëtë, siç i tha të përditshmes amerikane Nju Jork Tajms redaktori i gazetës ruse Nezavisimaja Gazeta, Zoti Konstantin V. Remçukov, "në qoftë se Putini injoron protestat massive, në qoftë se mendon se ai ka shënuar fitore, ai do të jetë humbësi, sepse idetë e protestuesve do të mundin cilindo system’’. Redaktori rus përfundoi duke thënë se Putini "Nuk ka shumë kohë për të humbur. Ai duhet të adaptojë menjëherë standardet ndërkombëtare të demokracisë.’’

FRANK SHKRELI


Rating (Votes: )   
    Comments (0)        Dërgoja shokut        Printo


Other Articles:
RTK KA MBETUR MEDIUM I MENDËSISË KOMUNISTE - PSE?!Nga Mr. Sc. NUE OROSHI (03.05.2012)
20 VJET KONFLIKTUALITET PËR PUSHTET - INTERESAT KOMBËTARE TË RREZIKUARA NGA KLASA POLITIKENga ELIDA BUÇPAPAJ (03.05.2012)
Barometri diplomatikDREJTËSIA NË "BISHT TË SORRËS"!!!Nga Prof. Dr. MEHDI HYSENI (03.04.2012)
PESHA E DHEMBJES SË NJË SHKRIMTARINga ESHREF YMERI (03.04.2012)
AT STATH MELANI - FIGURË KOMBËTARE QË MERITON TITULLIN "NDERI I KOMBIT"Nga ARTUR VREKAJ (03.03.2012)
KEN BIBERAJ SHPALL KANDIDATURËN PËR KËSHILLIN BASHKIAK TË QYTETIT TË NJU JORKUTNga FRANK SHKRELI (03.01.2012)
MARRËDHËNIET AMERIKANO-EVROPIANE(Në prag të takimit të NATO-s në Çikago në Maj)Nga FRANK SHKRELI (02.29.2012)
Analizë për Marrëveshjen e 24 shkurtit - KOSOVA, E FRUSTRUAR NGA BEOGRADI, THAÇI DHE NGA BE E CILA E TRAJTON SI QYTETARE TË DORËS SË DYTË, DUHET T'IU BESOJË SHBA-ve!Nga ELIDA BUÇPAPAJ (02.28.2012)
REZOLUTA 1244 NUK I TAKON SERBISËNga SHABAN MURATI (02.27.2012)
UDHËKRYQET SHQIPTARE NË MES PERËNDIMIT DHE LINDJES APO BASHKIMI KOMBËTAR SI RRUGË E VETME NË 100 VJETORIN E PAVARËSISËNga Mr. sc. NUE OROSHI (02.27.2012)



 
::| Lajme të fundit
::| Kalendari
Gusht 2020  
D H M M E P S
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
 
::| Hot News
PËRMBYTJET NË SHQIPËRI - QEVERIA THOTË SE GJENDJA ËSHTË KRITIKE, KËRKON NDIHMË NGA BRUKSELI
ARVIZU - PRESIM QË DREJTËSIA SHQIPTARE TË DËNOJË TRAFIKANTËT E NJERËZVE
NATO NUK MUND TË NDIHMOJË NË KRIJIMIN E USHTRISË NË KOSOVË
GJERMANIA, FRANCA, BRITANIA E MADHE, HOLLANDA DHE DANIMARKA KUNDËR STATUSIT TË VENDIT KANDIDAT PËR SHQIPËRINË
THAÇI PARALAJMËRON ZGJEDHJEN E PRESIDENTIT GJATË JAVËS SË ARDHSHME
MISIONI MISHELËNga MICHELLE OBAMA, Newsweek
BABAI E NJEH MË MIRËNga THOMAS L. FRIEDMAN, New York Times
NATO dhe BE borxhlinj ndaj Kosovës ?Nga Elida Buçpapaj

 
VOAL
[Shko lart]