VOAL - Online Zëri i Shqiptarëve - Karmen Elektra: "Çmendem për sms tunduese"

Kollaj të jesh sexy kur je Carmen Electra (por edhe Tara Patrick, që është emri i saj i vërtetë, emrin tjetër ia ka vënë Prince kur ajo ishte kërcimtare e tij) dhe ke një fizik të kolmë, plot me erotizëm dhe silikone, sa të mos mbetet burrë pa u trallisur. Megjithatë edhe vdekëtareve të rëndomta të universit femëror iu ka dhënë ca shpresa: hyjnorja Carmen, për t'i ndihmuar vajzat e sotme të bëhen "femme fatale", kohë më parë ka botuar librin "How To Be Sexy" (Si të jesh sexy), shkruar me shkrimtaren Sheryl Berk, çmimi $22.95, ku ua mësonte të "fshehtat" e mjeshtërisë, natyrisht jo ato të një kujdestareje plazhi të serialit Baywatch. Libri është një udhëzues për të zbuluar, trajtuar dhe nxjerrë në pah gruan e shfrenuar që rri fshehur në trupin e çdo femre, pavarësisht se kush është ajo. "Ideja e librit më ka ardhë pasi kisha bërë DVD-në "Aerobic Striptease"- ka thënë ajo. Në video iu mësoja vajzave një mënyrë argëtuese për të qenë sexy e në libër bëj saktësisht të njëjtën gjë, duke dhënë këshilla të bazuara në përvojat e mia personale. Në karrierën time kam pasur fatin të punoj me trukuesit, flokëtarët dhe stilistët më të mirë dhe kështu i kam hedhur në letër këshillat e tyre të çmuara për paraqitje sa më të mirë të pamjes së jashtme." Një prej tezave kryesore të saj është se seksualiteti është në thelbin e çdo femre, mjafton të kesh vetëdijën dhe të veprosh. "Ato kanë nevojë vetëm për një ndihmë të vogël për të nxjerrë në pah anën e tyre sexy." E shfrenuara Carmen thotë se bisedat tunduese me tekste në celularë i shërben shumë mirë qëllimit. Pra, ajo adhuron sms-ët erotikë. "Jam e çmendur për mesazhe me ndjesi seksuale e provokante. Nuk ka asgjë të keqe që këtë praktikë ta zbatojnë të gjitha, por vetëm kujdes: mos e tepëroni me çmendurinë tuaj dhe dërgojini mesazhet njeriut të duhur!" Librin ua kushton nënës dhe motrës, të dyja të vdekura më 1998./Elida Buçpapaj