SHBA REAGON PAS DËNIMIT ME VDEKJE PËR 529 PERSONA NË EGJIPT
E Mërkurë, 03.26.2014, 07:16am (GMT+1)
Shtetet e Bashkuara thanë se është e pafalshme për Egjiptin që të dënoj me vdekje 529 anëtarët e partisë së paligjshme "Vllazëria Myslimane".
Reagimi i SHBA-vjen një ditë pasi që një gjykatë egjiptiane i dënoi me vdekje 529 persona, për sulm ndaj policisë dhe vrasjen e një polici gjatë protestave të gushtit të vitit të kaluar.
"Vendosja e denimit me vdekje ndaj 529 personave pas një gjykimi dy-ditor, do të ishte e pafalshme", ka thënë sot zëdhënësja e Departamentit amerikan të shtetit, Marie Harf.
Ajo ka shtuar se, Shtetet e Bashkuara janë duke e vlerësuar politikën e tyre të ndihmës ndaj Egjiptit.
Përveç dënimit të 529 personave, shumica nga të cilët në mungesë, e njëjta gjykatë në Egjipt, të martën e ka nisur edhe një proces tjetër gjyqësor kundër 683 të akuzuarve për vepra të njëjta penale.
Edhe gjykimi i së martës, është mbajtur teksa shumica e të pandehurve po akuzohen në mungesë. (rel)
www.voal-online.ch
|