Partia Demokratike Shqiptare ka braktisur sot Parlamentin e Maqedonisë. Shefi i grupit parlamentar të kësaj partie, Imer Aliu, ka deklaruar se deputetët e kësaj partie nuk do të marrin pjesë në punimet e Parlamentit, i cili sipas tij, sjell ligje që lënë pas dore dinjitetin kombëtar të shqiptarëve në Maqedoni.
Deputetet e Partisë Demokratike shqiptare, në opozitë, braktisen sot Kuvendin e Maqedonisë. Një vendim te tille nga foltorja e parlamentit e bëri te ditur shefi i grupit parlamentar të kësaj partie Imer Aliu.
Deputeti Aliu theksoi se në këtë parlament miratohen Ligje që, sipas tij, në mënyrë direkte i modifikojnë formulimet që burojnë nga Marrëveshja e Ohrit, siç janë përdorimi zyrtar i gjuhës, decentralizimi, përfaqësimi adekuat dhe përdorimi i simboleve kombëtare.
Partia Demokratike Shqiptare përfaqësohej në Kuvendin e Maqedonisë me 5 deputetë. RTK
Comments (0)
Dërgoja shokut
Printo
