Voal-online - Të nderuar lexues, po ju sjellim foton e Zonjës Doris Pak me të nderuarin Agim Vatovci, shqiptar i Kosovës me aftësi të kufizuara, i cili është diplomuar në Universitetin e Prishtinës për Ekonomi. Agim Vatovci pati rastin të takohej me Europarlamentaren gjermane, miken e të gjithë shqiptarëve duke u ndjerë i privilegjuar të ishte ftuar nga miku i tij i madh, i cili është mik i gjithë personave me aftësi të kufizuara të Kosovës, Prof.Dr.Mujë Rugova, Rektori i Universitetit të Prishtinës në ceremoninë e organizuar me rastin e shpalljes së zonjes Doris Pac Doctor Honoris Causa.
Kur kishte marë ftesën i kishte lindur ideja se çfarë mund t'i dhuronte Zonjës Pak në shenjë respekti dhe nderimi për mbështetjen që kjo u jep shqiptarëve, dhe pa u hamendur fare sipas tij, i kishte dhuruar një Portret të nënes sonë të madh, Nënes Terezë dhe siç na tregon vetë Agim Vatovci, Zonja Pak ishte imresionuar pa masë nga dhurata të cilën ajo e mori nga duart e vogla të Agimit, i cili si një xhentëlmen i vërtetë paçka se i vogël në trup po në shenjë nderime e respekti ia puthi dorën Zonës Pak, duke shkaktuar në sallë duatrokitje e brohoritje frenetike.
Në mesazhin që na dërgonte, Agim Vatovci na përshëndeste si Përshpejtuesi i hyrjes së Kosovës në BE. Ne nga ana jonë, duke i uruar të nderuari Vatovci realizimin e dëshirës së tij për ta parë sa më shpejt Kosovën në BE, i bëjmë thirrje gjithë opinionit shqiptar po ashtu edhe biznesit e politikës që të ndihmojnë shqiptarët me aftësi të kufizuara, në mesin e të cilëve ndodhet edhe Agim Vatovci. Ne shqiptarët që jemi dalluar denbabaden për zemrën tonë bujare tashmë sikur jemi bërë cingunë dhe egoistë të mëdhenj, duke menduar veç për vete.