Facebook, GRANIT XHAKA - KAM DËSHIRË QË TA SHOH SHQIPËRINË NË BOTËRORIN 2014
E Djelë, 07.28.2013, 03:36pm (GMT+1)
Mesfushori me origjinë shqiptare, Granit Xhaka, që luan për kombëtaren zviceriane, shprehet se dëshiron që Shqipëria të marrë pjesë në Botërorin e Brazilit. Ai thotë se futbollistët e kombëtares shqiptare duhet të besojnë për përmbushjen e këtij objektivi.
Xhaka shkruan në faqen e tij në Facebook:
"Kam deshirë që ta shoh Shqipërinë në Botërorin 2014. Kualifikimi i Shqipërisë në Botëror do të ishte një arritje e shkëlqyer e lojtarëve shqiptarë. Unë besoj që Shqipëria do të arrijë, lojtarët duhet të kenë gjithmonë besim dhe të mos ndalen për të arritur atë që duan."
Xhaka u vu në qendër të diskutimeve, së bashku me Shaqirin, gjatë ndeshjes Shqipëri-Zvicër, pasi u akuzua se refuzoi që të vishte fanellën e kombëtares shqiptare.
Por, ai fitoi admirimin e tifozëve shqiptarë pas përfundimit të ndeshjes, pasi gjatë një rasti të pastër për gol, u duk se e humbi qëllimisht atë.
www.voal-online.ch
|