ZVICËR - PATRIOTIZMI LULËZON DJATHTAS DHE MAJTAS
E Mërkurë, 12.12.2012, 08:21am (GMT+1)
Voal-online - Zviceranët e duan vendin e tyre. Sondazhet më të reja thonë se 86
për qind e zviceranëve të pyetur thonë se janë krenarë për Zvicrën. Me këtë
lajm hapeshin dje gazetat e këtushme. Kjo është përqindja më e lartë e të
gjitha sondazheve të pesë viteve të fundit rreth kësaj teme.
Ajo që bie më shumë në sy në këto sondazhe është se, sa asnjëherë tjetër,
rritja e kësaj përqindjeje tek e majta zvicerane. Të majtët madje janë më
krenarë për vendin e tyre sesa qendra e politikës.
Të pyetur vlerësojnë më së shumti neutralitetin dhe zhvillimin e fuqishëm
ekonomik. Madje një pjesë e madhe pret një rritje më të madhe ekonomike në të
ardhmen.
Zviceranët e shikojnë si një vlerë të veçantë dhe të pacënueshme të drejtën e
qytetarëve për referendum.
Profesorja në pension Cintia Meier-Mesquita thotë për këtë: "Ne jemi
krenarë, sepse e dimë se me vendimet tona dhe me punën tonë situata ekonomike e
Zvicrës mbetet e shëndoshë."
Lidhur me faktin se patriotizmi ka fituar shumë terren edhe në të majtën
zvicerane, deputetja socialiste Ursula Wyss ndihet e gëzuar: "Synimi më i
madh i së majtës është forcimi i vendit. Sot ke arsye të jesh patriot edhe për
faktin se Zvicra është përherë e më shumë e hapur ndaj botës dhe përherë e më
shumë një shtet social."
www.voal-online.ch
|