ALEANCA E KONSUMATORËVE ZVICERANË - SWISSCOM, SUNRISE E ORANGE PRANOJNË NDRYSHIMET E KUSHTEVE KONTRAKTUESE NË FAVOR TË PËRDORUESVE
E Premte, 03.14.2014, 03:41pm (GMT+1)
VOAL - Swisscom, Sunrise e Orange kanë mirëpritur kërkesat e Aleancës së Konsumatorëve Zviceranë dhe të revistës "Beobachter" duke pranuar t'i ndryshojnë në favor të konsumatorëve kushtet kontraktuese. 24 orë para Ditës Botërore të të Drejtave të Konsumatorëve, e cila sivjet ka si temë "Vendosim ne për të drejtat në fushën e telefonisë!", Shoqata e Konsumatorëve të Zvicrës Italiane (ACSI) e partnerët e tjerë të saj të Aleancës shpallën risinë që iu intereson miliona përdoruesve në Zvicër.
Çfarë do të ndryshojë?
Orange e Sunrise do të eliminojnë rinovimin automatik të kontratës për një vit. Swisscom tashmë ka paraprirë duke e eleminuar këtë praktikë në vitin 2011. Ndërkaq, përdoruese mundet tani e tutje të ndërpresë kontratën pa shpenzime nëse gjendet i përballur me një ndryshim të njëanshëm mbi një pikë thelbësore. "Pikë thelbësore" konsiderohen çmimi, rrezja e marrjes, shpejtësia e marrjes dhe transmetimit të të dhënave, mungesa e mbulimit të rrjetit dhe faturimi. Pastaj do të ekuilibrohet mundësia e anullimit të kontratës për "arsye të qëndrueshme" në favor të operatorit dhe të përdoruesit. Në fund, operatorët do të përkushtohen që të përdorin në mënyrë më të përshtatshme termin "e pakifuzar", i cili do të braktiset gradualisht për prodhimet e reja.
Kur do të hyjnë në fuqi këto risi
Fakti që kushtet u imponuan nga Aleanca ndaj kompanive telefonike para pak kohësh - më 28 shkurt - bën që disa nga këto risi nuk do të hyjnë në fuqi menjëherë. Operatorët gjithsesi janë të përkushtuar që t'i vënë në jetë kërkesat dhe Aleanca e Konsumatorëve është e përkushtuar që të vigjëlojë, me qëllim që kërkesat të zbatohen. (rsi)
www.voal-online.ch
|