PRESIDENTI GAUCK DO TË VIJË PËR VIZITË NË ZVICËR
Do të arrijë më 1 prill në Bernë dhe pastaj do të vizitojë CERN-in në Gjenevë
E Shtunë, 03.15.2014, 04:21pm (GMT+1)
Presidenti gjerman Joachim Gauck
VOAL - Presidenti gjerman Joachim Gauck do të jetë së shpejti në Zvicër për një vizitë zyrtare, ai do të pritet më 1 prill në Bernë nga presidenti i Konfederatës Didier Burkhalter. E ka bërë të ditur zëdhënësi i Departamentit Federal të Punëve të Jashtme (EDA), duke komentuar një lajm të Neue Zürcher Zeitung.
Sipas informacioneve të zyrës së presidencës gjermane, vizita dyditëshe parashikon një diskutim me ekspertët mbi temën e demokracisë së drejtpërdrejtë, si dhe do të ketë takime me përfaqësues të ekonomisë, shkencës, kulturës, mediave.
Mbrëmjen e 1 prillit Gauck do të mbajë një fjalim, ndërsa të nesërmen do të takojë anëtarët e Këshillit gjenevas të Shtetit e do të bëjë vizitë në CERN. Vizita e fundit e një presidenti gjerman në Zvicër - në atë kohë ishte Christian Wulff - u zhvillua në shtator 2010 dhe ishte një vizitë shtetërore. SDA/ATSwww.voal-online.ch
|
Comments (0)
Dërgoja shokut
Printo
