Voal-online Autobiografia e Sarah Palin, eksponente me rëndësi e Partisë Republikane të Shteteve të Bashkuara të Amerikës, do të dalë në nëntor.
Por librit të saj do t'i paraprijë një kundërbiografi e saj, shkruar nga gazetarët Richard Kim dhe Betsy Reed të gazetës "˜The Nation' (Kombi), gazetë liberale e progresiste ku shkruajnë Naomo Klein dhe Michael Moore, e cila del këto ditë në libraritë amerikane.
Autorët luajnë me titullin e autobiografisë ("Going Rogue" Të shkosh vetëm) duke e ndryshuar atë ("Going Rouge", "Të trukohesh").
Loja vazhdon edhe me nëntitullin. "An American Life" (Një jetë amerikane) e ish guvernatores së Alaskës bëhet "An American Nightmare" (Një makth amerikan).
"Edhe ballina është një parodi e librit të Sarah Palin, por libri ndërkaq është shumë serioz dhe natyrisht që nuk është një parodi," ka thënë Richard Kim.
Kundërbiografia, natyrisht, do të jetë një reklamë për shumëfishimin e tirazhit të autobiografisë së Sarah Palin. Gjithmonë medaljet kanë dy anë.
(http://www.ansa.it)