VOAL - Online Zëri i Shqiptarëve - NISMË PËR BASHKIMIN E SHOQATAVE TË KRIJUESVE SHQIPTARË NË MËRGATË (DIASPORË)

Këshilli nismëtar i Krijuesve Shqiptarë për Mërgatën mbarëshqiptare
(Procesverbal, i mbajtur më 5 gusht 2013, në Hotelin "Sirius"- Prishtinë)

Krijues shqiptarë, që jetojnë dhe krijojnë në vende të ndryshme të Europës dhe më gjërë, u mblodhën me 5.08.2013, në Prishtinë, për të biseduar lidhur me Bashkimin e Shoqatave të Krijuesve Shqiptarë në Mërgatë.

Pas disa fjalimeve nga përfaqësues të Shoqatave të ndryshme të Krijuesve, u vendos që: të themelohet Këshilli nismëtar i Krijuesve Shqiptarë për Mërgatën mbarëshqiptare.

Pas propozimeve të ndryshme,u zgjodhën antarët e Këshillit nismëtar në këtë përbërje:
Hasan Qyqalla, kryetar (Gjermani),
Hysen Ibrahimi, nënkryetar (Suedi),
Besnik Camaj, nënkryetar (Zvicërr),
Besim Xhelili, nënkryetar (Austri),
Anton Berisha, anëtar (Itali),
Imri Trena, anëtar (Norvegji),
Sadije Kryeziu-Bejtullahu, anëtare (Angli),
Halit Elshani, anëtar (Belgjikë),
Musa Jupolli, anëtar (Francë),
Silva Terrnava, anëtare (Zelandë e Re).

Kryesuesi z. Ibrahimi, pasi përshëndeti të gjithë anëtarët e Këshillit Inicues, propozoi këtë Rend dite:

1.Emërtimi i Asociacionit të Krijuesve Shqiptarë për Evropë, deri në mbajtjen e Kuvendit Themelues (Kongresit).
2.Detyrat që shtrohen për Këshillin nismëtar.
3.Të ndryshme.
Rendi i ditës u miratua njëzëri nga të pranishmit.
1. Emërtimi i Shoqatës së Krijuesve Shqiptarë, për Evropën
Pas disa propozimeve konkrete, u muar vendim që deri në mbajtjen e Kongresit, Shoqata të quhet: "Bashkimi i Krijuesve Shqiptarë për Mërgatën" në tekstin e mëtejm, (BKSHM).
2. Detyrat që shtrohen për Këshillin nismëtar.
U morën këto vendime:
-Kongresi i parë për themelimin e BKSHM-së, të mbahet në Gjermani, pasi që është afërsisht në qendër për të gjithë krijuesit në Evropë;
-të mbahen kontaktet me krijues;
- të zgjërohet lista e Këshillit nismëtar me anëtarë nga shtete tjera që nuk ishin të pranishëm në takim;
-të njoftohen të gjithë Krijuesit, në Evropë, për këtë nismë të mbarë.
3. Të ndryshme.
Në pikën e fundit « të ndryshme », nuk pati gjë.

Kryesuesi, z. Hysen Ibrahimi, shpalli të përfunduar, mbledhjen e parë të Këshillit Inicues për formimin e "Bashkimi i Krijuesve Shqiptarë për Mërgatën (Diasporën)".
Procesmbajtës: Verifikues:
1. Sadije Kryeziu-Bejtullahu 1. Hasan Qyqalla, d.v.
2. Besnik Camaj, d.v.
(Shpërndarë për shtypin nga z.Hysen Ibrahimi-Suedi, shtator 2013)