Refleksione rreth vellimit "Ka gjithmone diku", te autores Albana Melyshi Lifschin, "Arberia", Tirane 2010, f. 135.
Keto dite me ra ne dore libri i ri poetik "Ka gjithmone diku" (Tirane, 2010), te autores Albana Melyshi Lifschin, i cili shoqerohet ne hyrje me nje meditim sinjifikativ te poetit brilant Ali Podrimja, me titull kuptimplote: "Loja mes zjarrit e fjaleve"(f. 3-4).
Duke lexuar vellimin e ri me poezi "Ka gjithmone diku", te poetes dhe tregimtares se njohur te komunitetit ne Amerike e pertej zj. Albana Melyshi - Lifschin, me kujtohej nje porosi e çmuar e profesorit tim te gjuhes dhe letersise, qe na e perseriste shpesh: "Perpiquni te shkruani sa me pak, por te thoni sa me shume".
Kane kaluar shume vite dhe per mua kjo sentence kuptimplote si nje "porosi" me ka sherbyer ne jeten time modeste publicistike. Ky mesazh udhezues, per çdo krijues me te vertete eshte shume i qelluar. Per mua, sa here qe ulem te shkruaj ndonje studim apo diçka tjeter, fjalet e arta te profesorit tim, mundohem ti kem parasysh, ndonese eshte shume e veshtire, qe gjate punes studimore ti qendroj besinikerisht fjale per fjale sentences se tij...
E permenda kete episode, sepse askund dhe asnje here se kam gjetur te zbatuar ne menyre kaq konkrete dhe te perkryer ate "porosi", se sa ne poezite e sapobotuara te shkrimtares dhe publicistes se njohur Albana Melyshi - Lifschin.
Dhe shpesh pyes veten: Si eshte e mundur dhe si ka arritur te dale me sukses konceptual e estetikisht poetja jone Albana, te koncentroje nje bote te tere mendimesh, ideshe dhe ndjenjash njerezore me pak fjale dhe vargje!?
Vetem nje bote tejet e pasur shpirterore, me nje zemer tejet te ndjeshme njerezore dhe artistike, mund te ia dale me sukes te na dhuroje poezi vertete te bukura, qe mund t'i shijosh dhe kundrosh ne çdo mjedis, te shoqeruar me meny te muzikes se pasur klasike ne sfond....
Dhe per mendimin tim, poezite e vellimit ose buçetes se fresket poetike, deshmojne se endsja e kujdesshme e artit poetik Albana, i ka te dyja keto cilesi ne nje shkalle te larte.
Ne to, mund te them pa medyshje, ndodhet e koncentruar e gjithe filozofia e jetes, te gjitha ndjenjat me intime ne te gjitha aspektet e tyre:
Ne Dashuri ("pse te desha ty", "ai/ajo", "si" etj.)
Ne Psikologji ("Dashuria e gruas", "pse"?, "Lote ne syte e burrit")
Ne Sociologji ("Falje dhe Pendim", "Apokalipsi", "Ai qe s'je"), dhe
Ne Politike ("Shtypesi dhe i Shtypuri", "Ç'te thane dhe Ç'u the").
Por titujt e ketyre poezive, qe rrezatojne boten e madhe te ndjenjave te poetes, nuk jane te vetme, ato shpalosen pothuajse ne te gjitha vargjet e me se njiqind poezive te ketij vellimi mbreselenes.
Kush i lexon me vemendje poezite, kush perpiqet ti zbertheje dhe t'u hyje kuptimit te tyre, do te bindet (te pakten keshtu mendoj une), se ato nuk jane aq te thjeshta sa duken, por jane sentenca te sakta, te perftuara nga pervoja e jetes, jane sinteza qe mund te sherbejne edhe si tema hartimi per ciklet e uleta ne te gjitha shkollat dhe njiherit edhe si teza diplome per ciklet e larta, ne ato fusha te dijes.
Perveç knaqsise intelektuale, qe prodhon leximi i ketyre vargjeve, me nje densitet te madh mendimesh te ngjeshura, mendoj se mesazhi i tyre, te ben patjeter te meditosh gjate, mbasi lexuesi ndjene edhe knaqesine artistike, qe shkakton shperthimi i hovshem i ndjenjave te poetes, mbi te cilat dominon ajo e Dashurise, per "TE MIREN, PER TE BUKUREN, PER TJETRIN", te shprehura keto me gjuhen me te bukur: ate te poezise, plot sinqeritet e thjeshtesi.
Sa e njohim ne poeten?
Albana Melyshi Lifschin, eshte nder krijueset me prodhimtare te ketyre viteve ne boten shqiptare, e cila ne fushen e letrave bashkekohore po shfaqet si nje ze original, qe duhej kushtuar nje vemendje te veçante, fale cilesise se tematikave, qe ajo ka marre per te trajtuar ne fushen e krijimtarise dhe publicistikes shqiptare.
Deri me tani poetja jone, perveç punes krijuese si ne gjinine e poezise, prozes moderne, ajo ka botuar dhjetra vellime ne gjini te ndryshme. Pothuajse te gjithe librat e saj, jane pritur mire nga kritika letrare, lexues dhe studiues te letersise. Ne veprat e saj shprehet mprehtesia dhe serioziteti i nje studiueseje erudite.
Disa nga veprat e poetes jane:
1. Ka gjithmone diku.
2. Ura mbi oqean.
3. Magjia e nje zeri.
4. Yesterday I cut my hair.
5. Udhetimi ne historine amerikane (2003, 2006)
6. Takim me te paprituren.
7. Zera nga larg.
8. Fundjava ne Hillsaide.
9. Children of Kosovo.
10. "Kafe Shkodra" e New York-ut.
11. Femijeri.
12. Poezi.
Gjate muajit Korrik 2010 ne Prishtine, po qendron i hapur Muzeu simbolik "Amerika per Kosoven", projekt qe e ka ideuar dhe hartuar Prof. Dr. Riza Sadiku. Ne pavionet e saj te veçanta, nje vend i dukshem i eshte dhene edhe shkrimtares shqiptaro-amerikane Albana Melyshi Lifschin, me librin e saj te suksesshem: "Children of Kosovo".
Duke dashur edhe une te mos zgjatem me, po i mbylli ketu perjetimet e mia, duke e pergezuar poeten, per botimin e vellimit te ri poetik, duke i thene:
Te lumte Albana, se me keto poezi na ke deshifruar shume mistere te shpirtit njerezor ne pergjithesi dhe sidomos te "femres" ne veçanti.
Serisht nga zemra te lumte dhe suksese te metejshme!
Comments (0)
Dërgoja shokut
Printo
