VOAL - Online Zëri i Shqiptarëve - BRENDA TOKËS NDOSHTA EDHE NJË TOKË?

Ekipi i shkencëtarëve të Harwardit ndoshta ka gjetur shenja për ekzistimin e një pjesë të vjetër të Tokës brenda mbështjellëses së planetit, shkruan themindunleashed.org.

Studimi i publikuar në konferencën "Goldschmit" në Sakramento pohon se raporti deri tash i pashpjegueshëm i izotopeve nga thellësia e Tokës mund të jetë "jehonë" e Tokës së dikurshme, që ekzistonte para se të përplasej me trupin tjetër qiellor, nga i cili supozohet se u formua Hëna.

Ata besojnë se vetëm një pjesë e Tokës ishte shkrirë si pasojë e përplasjes dhe se në thellësi të planetit vazhdon të ekzistojë një pjesë e Tokës së dikurshme.

"Studimet kanë dëshmuar se ka dallime ndërmjet raportit të izotopeve të gazrave fisnike në pjesë të ndryshme të Tokës dhe kjo është e nevojshme të shpjegohet. Ideja se përplasja shkatërrimtare e Tokës me një trup tjetër me madhësi të planetit nuk e ka shkrirë plotësisht e as homogjenizuar Tokën, përbën sfidën e ideve tona mbi formimin e planetit. Nëse teoria tregohet e saktë, atëherë mund të flasim për pjesë të Tokës së vjetër, nga koha para përplasjes", ka deklaruar profesori Sudxhoj Mukopadhaj, që ndodhej në krye të ekipit studimor.kd