Shoqata e miqve të Insitutit Zviceran të Studime Shqiptare (aAâ—ŠISEAL) në bashkëpunim me Shoqatën e Shqiptarëve të Nyon-it, shoqatat kulturo-artistike: Ilirët, Teuta e Liria, Shoqatën Shiko, Grupin muzikor Guralumi, Teatrin «Kurora», Shoqata Ardhmëria, KF Dardania et Shoqatën e Studentëve të Universitetit të Lozanës AEAUL

organizojnë një mbrëmje me rastin e 20 Vjetorit të themelimit të Eurobibus-it.

Më 27 janar nga ora 18h30 në kolegjin Béthusy në Lozanë (Aula de Béthusy).

Programin dhe hartën mund të konsultohen në faqen e ISEAL-it (www.iseal.ch).

Duke parë angazhimin e madh të Shoqatave dhe personave që e organizojnë këtë mbrëmje sa të rëndësishme aq edhe simbolike, por edhe duke e parë punën madhështore të Zotit Victor Ruffy dhe të Fondacionit Eurobibus, ne me bindje ju dërgojmë një ftesë me shpresë që ta përcillni këtë mbrëmje.

Këtu më poshtë, po ju dërgojmë disa të dhëna për Eurobibusin dhe Z. Viktor Ruffy.

Në pritje të ju takojmë, ne ju përcjellim përshëndetjet më të mira.

Driton Kajtazi

Drejtor i ISEAL-it

www.iseal.ch

Biografi e Z. Victor Ruffy

Z. Victor Ruffy, drejtues dhe themelues i Eurobibus ka pasur poste të larta në Konfederatën Zvicërane duke filluar nga :

Kryetari i Parlamentit Zvicëran në vitin 1992.

Kryesues 10 vite me rradhë i delegacionit zvicëran pranë Këshillit të Evropës

Drejtues vite me rradhë i Komisionit të Parlamentit Zvicëran për marrëdhënie me jashtë.

Z. Ruffy ka përvojë të madhe politike dhe publikimi.

Rrjedh nga një familje me traditë të madhe politike : gjyshi i tij, me të njejtin emër ka qënë President i Zvicrës.

Z. Victor RUFFY ka një lidhje të veqantë me Kosovën dhe Shqipërinë.

Z. Ruffy ishte kryesues i vëzhguesve të zgjedhjeve të para demokratike në Kosovë dhe në Shqipëri.

Z. Ruffy është nismëtari i parë në Parlamentin Zvicëran për njohjen e Kosovës shtet i pavarur që në vitin 1994

Z. Victor Ruffy është shpallur qytetar nderi nga qyteti Fushë-Krujë.

Historiku i Eurobibusit

Grupi « Eurobibus » është krijuar në vitin 1992, në kohën kur z. Victor RUFFY ishte i ngarkuar nga Këshilli i Evropës për mbikqyrjen e zgjedhjeve të para në Shqipëri.

Që nga fillimi Eurobibus ka pasur mbështetjen e Këshillit të Europës, Konfederatës Zvicërane, Biblotekës kantonale dhe Universitare dhe të Universitetit të Lozanës.

Në Shqipëri ka pasur bashkëpunime të ngushta me autoritetet Universitare.

Eurobibusi në rradhët e veta ka anëtarë të të gjitha horizonteve : drejtoreshë biblioteke, profesorë të Universitetit të Lozanës, drejtues banke, mjekë, asistentë, mësimdhënës, juristë, gjeografë, politikanë, shoferë, infermiere, etj.

Emri Eurobibus është kombinim e fjalëve Europa - Bibiblotekë - Autobus meqë me ndihmen e Këshillit të Evropës dhe të Konfederatës Zvicerane në vitin 1992 u dërguan 3 autobusë të mbushur me material për shkollat e mesme dhe të larta në Shqipëri.

Që nga ai vit e deri më sot çdo vit u organizuan udhëtime në Shqipëri ku në secilen nga këto ekspedita me dhjetra tonelata me material shkollor u dërguan në Shqipëri.

Në misionin e muajit tetor 2006 u dërguan në Shqipëri gjithsej 11 tonë material shkollor. Kjo ekspeditë është vetëm një nga 15 ekspedita sa ka organizuar gjer më tani Eurobibus-i në Shqipëri.

Eurobibus ka nisur dhe përcjellur mbarëvajtjen e bashkëpunimeve në mes të Universitetit të Lozanës dhe Univrsitetit të Tiranës e cila u kurorëzua me ardhjen çdo vit të 4 bursistëve nga Universiteti i Tiranës në Universitetin e Lozanës (3 veror dhe 1 vjetor).

Poashtu nga Eurobibus u bënë nisma dhe u organizuan shkëmbime në mes të mësimdhënësve të Universitetit të Tiranës dhe të Universitetit të Lozanës. Nga viti 1992, çdo vit në muajin nëntor mësimdhënës nga Tirana vizitojnë, vështrojnë dhe marrin pjesë në procesin mësimor të Universitetit të Lozanës, ndërse në muajin maj profesorë nga Univeristeti i Lozanës vizitojnë Universitetin e Tiranës.

Nga ky bashkëpunim, është bërë edhe botimi i 2 librave universitarë mbi leksikologjinë frenge me të cilin mësojnë studentët në Lozanë dhe në Tiranë.

Rating (Votes: )

Comments (0)

Dërgoja shokut

Printo

---