Në vitin1999 ata ishin fëmij. Përjetuan ngjarjet tragjike të pranverës dhe dëshmuan...
Dëshmitë e tyre ndërtuan librin tim "Children of Kosova" stories of horror" (variant shqip " Fëmijëri e përgjakur") botuar në vjeshtën e atij viti. Libri u shkrua në bazën militare të Fort Diksit gjatë verës së vitit 1999, ku qeveria amerikane kishte strehuar rreth 5000 refugjatë kosovarë. Qëllimi i librit ishte t'i tregonte opinionit anglishfolës tragjedine e Kosovës parë nga këndvështrimi i fëmijëve, pikërisht ashtu siç e kishin përjetuar ata. Ky libër u vlerësua dhe aprovua nga Bordi i Edukimit i Nju Jorkut si tekst shkollor, sugjerues për klasat 6-12, për studimet sociale. Libri ndodhet në librarinë e Kongresit amerikan dhe në librarinë e Prishtinës.
Ky libër përmban rrëfimet e dyzet e tre fëmijeve (shoqëruar me fotografi) dhe i është dhuruar Presidentit Klinton, si edhe president Rrugoves gjate vizitës në Nju Jork.
Rrëfyen ngjarjet:
1. Alban Berisha, 12 vjeç, Fush Kosovë;
2. Enesa Tafaj, 11 vjec, Shtimje
3. Egzona Shaqiri, 9vjec, Prishtine;
4. Fatbardha Rexhepi,12 vjec, Pogragje, Gilan;
5. Flakron Gjikokaj, 15 vjec, Decan
6. Shkabjan Hetemi, 14 vjec, Prishtine
7. Dritan Bislimi, 12 vjec, Ferizaj
8. Adnan Murtezi, 14 vjec, Prishtine
9. Alberta Mehmeti, 14 vjec, Gilan
10. Gentian Sadiku, 8vjec, Ferizaj
11. Makbule Qerimi, 14 vjec, Dobercan, Gilan
12. Flamur Rama, 9vjec, Prishtine
13. Hekuran Nikqi, 12 vjec, Prishtine
14. Labinot Rexha, 13 vjec,Prishtine
15. Mimoza Shaqiri,11 vjec, Kodra e Trimave, Prishtine
16. Donika Kolshi, 11vjec, Drenice
17. Hekuran Marevci, 10vjec,Lipjan
18. Besim Hysenaj, 13 vjec,Petrov, Shtimje
19. Faton Jakupi, 10 vjec, Ferizaj
20. Isuf Sadiku, 13 vjec, Ferizaj
21. Taulant Berisha, 6 vjec,Prishtine
22. Liridona Smajli, 14 vjec , Prishtine
23. Bajram Latifi, 12 vjec, Uglare, Gilan
24. Betim Ibrahimi, 12 vjec, Uglare,Gilan
25. Edona Myrtezi,10 vjec, Prishtine
26. Shefije Latifi,12 vjec, Gjilan
27. Valon Ahmeti,13 vjec,Shterpce
28. Albulena Zogaj, 13 vjec, Prishtine
29. Remzi Gjikokaj,10vjec, Decan
30. Ylli Shaqiri,11vjec, Fushe Kosove
31. Rifadi Elshani, 14 vjec, Baice, Gllokofc
32. Shpresa Bega, 11 vjec,Ferizaj
33. Ikbale Ahmeti, 15vjec, Bred, Shterpce
34. Ganimete kastrtati, 14 vjec,Orllovic,
35. Bukurie Bucaj, 12 vjec, Shtimje
36. Besart Bytyci,11vjec, Ferizaj
37. Besart Berisha,10vjec,Drenovc, Prishtine
38. Enis Shaljani, 11vjec, Sibovc,Obliq
39. Labinot Halimi, 11 vjec, Prishtine
40. Arberesha Kryeziu, 9vjec, Bubavec,Malisheva
41. Liri Avdiu, 10vjec, Xhemal Ibish, Prishtine
42. Arbnora Ahmeti,10vjec, Ferizaj
43. Visar Grajqevci, 13 vjec, lagja Bregui diellit", Prishtine
Prinderit e femijeve konfirmuan ngjarjet e treguara. Tani , pas 13 vjetesh, shume prej tyre jane bere burra dhe gra.
Po sjell ketu vetem disa rrefime .
Adnan Murtezi, 14 vjeç, Prishtinë
Ushtarët serbë erdhën me maska tek shtëpia jonë dhe thirrën sërbisht:
-Dilni jashtë! Shpejt!
Ishin të gjithë të armatosur me automatikë.
-Dilni jashtë! Hajt, shkoni tek Natoja! Shkoni tek Klintoni!
Pastaj shanin me fjalë të ndyra..
Ne dolëm jashtë. Ata qëlluan me automatikë në dyert e dritaret tona. Çdo gjë u thye, u shkatërua. Rrugës na shtynin përpara, na shanin dhe herë pas here shtinin me automatik nga të gjitha anët .Thërrisnin: "Ikni, zhdukuni! Kosova s'është e juaja, është e jona!"
Ushtarët serbë thyenin xhama dyqanesh e çfarë t'u dilte përpara, por nuk na tregonin se ku po shkonim. Kemi ecur kështu ndoshta 5 orë, deri sa na kane çu tek stacioni i trenit. Unë kam tre motra dhe një vëlla të sëmurë. Një motër tjetër ishte e martuar. Ajo mbeti në Prishtinë. Për të nuk dinim asgjë se ku ndodhej e si ishte. ...Atë natë nuk na zuri treni të gjithëve. Ne që mbetëm, ramë për të fjetur përtokë. Por askush s'mundi të flerë atë natë. Dëgjonim krisma, të shtënat e ushtarëve serbë. Atë natë dy gra shtatëzana lindën aty, afër trenit. Të nesërmen në mëngjes herët u nisëm me tren për në Maqedoni...
Alberta Mehmeti, 14 vjeç, komuna e Gjilanit.
Aty, ku banonimne, janë dy Shillova, Shillova e Shqiptarëve dhe Shillova ku banonin serbët. Natën që Natoja filloi sulmin ajror mbi Jugosllavi, ne po ndiqnin lajmet e televizionit të Tiranës. Aty dëgjuam se sirenat e alarmit për fillimin e bombardimit të Natos u dëgjuan mbi Beograd. Shqiptarët e Shillovës brohoritën për këtë lajm me të madhe. Këto brohoritje i dëgjuan serbët në anën tjetër dhe atëhere ata filluan të qëllojnë me armë në drejtim të Shillovës shqiptare. Atë natë u plagos një vajzë. Familja e mori për ta çuar urgjentisht në spital. Milicët serbë i ndalën familjarët rrugës dhe u kërkuan dokumentat. Familja i u lut të mos i vononin shumë se vajza kishte humbur shumë gjak e duhej çuar sa me parë tek doktori, në spital. "Ah, ashtu?! A doni ta çoni sa më parë në spital? Çojeni pra!" Thanë ata dhe e shprazën automatikun mbi gjoks të vajzës.
Fatbardha Rexhepi, 12 vjeç, Pogragjë, komuna e Gjilanit
Në familjen tonë, ndodhi një tragjedi të cilën s'do ta harroj gjithë jetën. Po largoheshim nga shtëpita jonë e nga Kosova të ndjekur prej policisë e ushtarëve serb. Ishte nje kolonë e gjatë njerëzish para e pas nesh. Ne po udhëtonim me traktor. Mbi kokat tona fluturonte helikopteri sërb dhe herë pas here qëllonte. Emta e babait tim po mbante në krah fëmijën një vjeç e gjysëm. Plumbi i snajperit sërb goditi foshnjën, në kurriz. Emta e babit, që ishte gjyshja e fëmijës duke menduar që fëmija i vdiq në duar, u trondit aq shumë, sa i pushoi zëmra në vënd. Ajo quhej Nexhmije Azemi.
Flakron Gjikokaj, 15 vjeç, Deçan
Ishim mbledhur të gjithë në shtëpi kur papritur dëgjuam të shtëna me automatik. Dolëm menjëherë jashtë për të parë se çfarë kishte ndodhur. Rruga ishte e mbushur me ushtarë e milicë sërb. Ne u nxituam të hynim nëpër podrume. Nuk kishin kaluar as dhjetë minuta kur serbët nisën të qëllonin me granata mbi Deçan. Një granatë na ra në kulm të shtëpisë dhe fëmijët nisën të qanin me të madhe. Dolëm prej andej pasi nuk e ndjenim më veten të sigurtë. U nisëm në këmbë për në Kodrali, fshat afër Deçanit. Por edhe aty serbët filluan të sulmojnë me granata. E lamë Kodralinë e u nisëm për në Llukë. Helikopteri serb fluturonte mbi kokat tona e qëllonte. Nga helikopteri janë plagosur plot njerës rrugës. Një komshia jonë, plakë e paralizuar që po e mbanin djemtë, i u lut atyre që ta linin në rrugë e te mos rrezikonin jetën e tyre për të. Prej aty duke ecur gjithë kohën në këmbë arritëm në një fshat tjetër, në Strelcë. Në atë fshat banonte tezja. Edhe aty gjëndja nuk ishte më e mirë. Gjetëm një makinë e ikëm dhe prej aty. Vazhduam rrugën në drejtim të Pejës. Babai atë kohë ishte në Gjermani. Kur i dhanë lajmin që ne do shkonin në kampin e refugjatëve në Stankovec të Maqedonise e la Gjermaninë për t'u bashkuar me ne. Por nuk u takuam dot me të. Nga Stankoveci ne na prunë në Amerikë ndërsa babai tani ndodhet në Stankovec.
Shkabjan Hetemi, 14 vjeç, Prishtinë
E para gjë që nuk e harroj kurrë pasi na dëbuan nga shtëpia, është momenti kur zbritëm nga treni ne Maqedoni. Ushtarët serbët na vunë në kolonë dy nga dy e na urdheruan të ecnim mbi shinat e trenit . Na thanë që askush të mos guxonte të dilte nga shinat se ndryshe do ta vrisnin. Ata ecnin anash nesh me automatik në duar. E dyta, ishte qëndrimi në Bllacë të Maqedonisë. Në Bllacë ndenjëm jashtë tre ditë. Binte shumë shi. Këmbët i kishim në llucë. I gjithë vendi reth e qark ishte kthyer në llucë.. Maqedonët na jepnin qese plastike me u mbrojtë nga shiu. Ne i ngulnim në shkopinj druri dhe i përdornim si strehë. Ushqimin, bukën, e sillnin me traktorë dhe na e hidhnin që nga traktori, kush të mund ta kapte. Aty kemi pritë autobuzin që te na çonte në kamp. Tre ditë kemi pritur në shi. S'kishim ku flinim veçse në baltë. Mamit i ra të fikët. Vëllai na mungonte.Nuk e dinim se ku ishte. Vonë Kryqi i Kuq na njoftoi se ai kishte hyrë në Shqipëri.
Albana M.Lifschin