Në zullumet e jetës shqiptare, mes politikës dhe integrimit, sherreve, akuzave,
si tërmete të dimensioneve të tjera lajmet tragjike me vrasje duket se lënë pa
fjalë. Histori shokuese që
vinë ndër vite makabre, me personazhe femra që si në filma horror trondisin
opinionin. Shfaqen kohë pas kohe trishtuar, zënë faqet kryesore të gazetave me
hipoteza, emra vrasësish, dëshmi të afërmish.
Tragjedia ndodhi, si në një
skenar përsëritet i gjithë rituali, tronditja e shoqërisë. Ata që merren me
shoqërinë civile, gazetarë, analistë, njerëz me emër vrapojnë të japin
opinionin e rradhës, diagnostikimin se shoqëria ku po jetojmë po ambientohet me
dhunimin, nëmëkëmbjen e femrës. Shkrime prekëse që të bëjnë të reflektosh,
analiza dramatike vajtuese, diku më shumë , nderime me qirinj, një shkundje ,
tronditje , reagim që ndodh gjithnjë vonë, një ceremoni mediatike e vonuar kur
s ka më rrahje, jetë, kur viktima mbulohet me keqardhjen dhe trishtimin se
sërish ishin vonë. Motiv për tju sulur politikës, për të mallkuar politikanë,
klasën politike, një arsye më shumë për t ju faturuar gjithë të këqijat. Vrapim
post mortum mediatik për të bërë nderimin e rradhës, nderimin me shkrime,
intervista, përkujdesje të pavlera që i përkasin gjinisë së nderimit, opinione
pa rrezik, pasi gjithçka tashmë ka mbaruar. Personazhe të vuajtura që i
përkasin një niveli të caktuar, konstatim se përtej Tiranës, bllokut, jeta
është e vështirë, deri diku pendesë se shoqëria asnjëherë nuk reagon në kohë,
se shoqatat në ndihmë të barazisë gjinore po heshtin, një cfilitje mediatike
për të gjetur fajtorë, ide, për ti ndërgjegjësuar femrat të luftojnë për të
drejtat, për liritë, emancipimin. E gjithë kjo ngjan me një konstatim
korespondence me zona të varfra, të humbura, njërëz të mjërë, prehë e padijës,
halleve, meskinitetit, fatkeqësive, tragjikes.
Përtej kësaj lutjeje mediatike
që vjen si dallgë e madhe dëshpërimi pas çdo ngjarjeje makabër me personazhe
femër, realiteti i qytetit metropol, i studiove televizive, i shtypit të
shkruar i kthehet prapë traditës. Traditës së studiove të mbyllura pas një
debati të gjatë, pasi historia mbaroi, rituali u krye me dhimbje, gjithsecili e
tha fjalën e tij në emisione të posaçme. Pauze... Këtu media e mbaroi
misionin e saj post mortum. E nesërmja është një ditë e zakonshme, një ditë
normale ku ngjarja zbehet, e bashkë me të dhjetëra ndodhi të vogla përreth, që
ndonëse jo tronditëse vërtiten Tiranës metropol e qyteteve të mëdha, po askush
nuk i sheh. Pas vrasjeve macabre, mizore, që për hir të së vërtetës ndodhin
fatkeqësisht dhe në vende të tjera shumë të zhvilluara të botës, ka plot
histori të gjallësh për të cilat heshtet. Në studiot televizive kthehet i
njëjti debat, të nëjtat lajme , ide, madje dhe personazhe dezhurn që i përkasin
linjave e kaheve të politikës. Studiot televizive, faqet e gazetave heshtin
para padrejtësive, për faktin se tashmë flitet për të gjallë. Të gjallët janë
pa vlerë, jetojnë akoma, vuajnë akoma, e për sa kohë janë gjallë nuk përbëjnë
lajm. E të gjallët për fat të keq prekin interesa, kanë bindje politike, ndodh
rendom të gëzojnë statusin e paprekshmërisë. Ajo që shkruhet në rradhë të
ndjera duket se është vetëm fasadë.
Në këtë kopertinë të dhimbshme ftohen të
gjithë të bëjnë diçka për veten, vetëm se ftuesit janë të parët që mbyllin
dyert në atë që quhet censurë, në atë që quhet heshtje. Nga shkrues të ndjerë
rreshtash të dhimbshëm shndërrohen në fshehës të realitetit, i kthehen
normalitetit të mbrojtjes të interesave të palës tjetër që është më e fortë, e
pushtetshme, që gëzon mbështjetje politike e s duhet të preket, të përgojohet,
në emër të interesave partiake, të bindje politike, miqësive, hatëreve, për
telefonata që kërcasin redaksive, për presion, për dinjitet personalitetesh që
s duhet tju njolloset emri i mirë dhe dinjiteti , për atë që është e
përditshmja, e zakonshmja, për frikën dhe atë se motoja "të gjithë duhet të
bëjnë diçka" është vetëm demagogji e rradhës që e do zakoni pas ngjarjeve
tronditëse.
Përtej ekstremeve ka dhe të tjera "vrasje" të ëmbla, nëse do i
quanim kështu, intelektuale, për të cilat studiot heshtin, për faktin se media
e miqve është shndërruan në një institucion, se ka njërëz kaq te fuqishëm,
glorifikuar në monumente e ikona, që hera herës i mbron vetë realiteti i vogël
i interesave të ngushta. Të njëjtët shkrues të devotshëm të ngjarjeve me vrasje
në fshat, janë mospërfillës për ato që ndodhin fare pranë, janë të pafuqishëm,
për shkak se vepruese këtë herë nuk është një forcë abstrakte, nuk është një
fajtor mizor i pagdhendur, pa emër, nuk është një shoqëri që akuzohet për
degjenerim e korrupsion. Janë ata tashmë, ose duhet të jenë pjesë e veprimit, e
asaj që duhet të kontribuojnë çdo ditë për drejtësinë, për respektin, për
dinjitetin . Po ata jetojnë në të njëjtin rreth interesash, thithin të njëjtin
ajër intelektual të Tiranës në qarqet e larta kulturore, artistike, akademike,
çertifikuar vetëm nga ndotja ambientaliste e pluhurit të rrugëve, se ngjarjet e
Tiranës prekin dikë, dikë që mund të ketë dhe ka forcë, a ndoshta për çudi ju
nevojitet për tu bërë ndonjë nder në rrang përsonal e familjar. E këtu misioni
mbaron, përgjegjësia bie mbi vetë ata , e në një situatë të tillë nuk janë më
të njëjtët.
Nga zelli i dënimit të asaj që ndodh larg, shumë larg, si një
shpërthim i zhurmshëm në një tjetër botë , bota e tyre e lumtur e interesave
mund të gërvishtet, ta humbë shkëlqimin, se jemi akoma të bllokuar nga bindjet
politike, interesat partiake e mediatike, nga respekti për ata që i ngremë në
piedestale, që u japim pushtet fallco e më pas nuk i shajmë dot. Se shpesh
personaliteti është pjesë apo peng i stacioneve dhe vijës mediatike, interesave
të pronarëve, se forca e miqësisë si kudo në shoqërinë shqiptare është më e
fortë se e drejta dhe e vërteta. Se këtu "vrasjet" janë si ëmbëlsira që jua
bëjnë jetën qytetarëve, femrave, më të fortë.
E sa më të emancipuara, sa më të
shkolluara , aq më shumë u mbyllen dyert, pasi këtu ska vrasje në kuptimin
tronditës. Ka vetëm vuajtje, e kjo ironikisht duhet, se e "forcon" njeriun.
Vepro tani, mu kujtua një shprehje, një ide e përdorur nga ambasadori amerikan
Arvizu. "Vepro tani" do të thotë që ju njerëz të medias të veproni të parët, të
hapni studiot, faqet e gazetave për fjalën e lirë. Fillojeni nga vetja, bëni
diçka për veten tuaj, për dinjitetin, profesionalizmin. Fillojeni ju, ose vazhdoni
atë që ne të tjerët kemi nisur e shpesh përplaset me murin mediatik, me
interesat meskine, interesat për tu pasuruar të x apo y . Në vend të
konstatimeve se fajin e prapambetjes e ka arsimi, lërini vend luftës së
korrupsinit në arsim, lërini atyre që kanë guxim dhe duan ta thonë fjalën
hapësirën mediatike të nevojshme për tu shprehur, provoni të shembni ju të
parët censurën në media, miqësitë dhe opinionet personale që ngrini pa bazë. Vepro tani, lirojini studiot. Fillojeni me arsimin, me
korrupsionin , me mitmarrjen, me të paparekshmit.