SOT PËRUROHET QENDRA PRESIDENCIALE GEORGE W BUSH - PËR PUBLIKUN HAPET MË 1 MAJ Do të marrin pjesë edhe Presidenti Obama dhe Zonja Obama, si dhe ish presidentët e zonjat e tyre, liderë botërorë, e tjerë
E Enjte, 04.25.2013, 08:57am (GMT+1)
VOAL - DALLAS - Qendra Bush ndodhet në Dallas (Teksas) në kampusin e
Universitetit Jugor Metodist. Ajo hapet për publikun më 1 maj.
Sot, më 25 prill 2013, në orën 10:00 paradite me orën lokale, Presidenti
dhe Zonja Bush do të marrin pjesë në kompletimin e Qendrës Presidenciale Xhorxh
W Bush (George W. Bush Presidential Center) ku ndodhet Biblioteka Presidenciale
Xhorxh W Bush, Muzeumi dhe Instituti Xhorxh W Bush. Si pjesë e Ceremonive të
Përkushtimit, Presidenti dhe Zonja Bush do t'ia paraqesin Bibliotekën
Presidenciale Bush dhe Muzeumin Administratës së Arkivave dhe Regjistrimeve
Kombëtare. Qendra Presidenciale Bush ndodhet në kampusin e Universitetit
Jugor Metodist në Dallas, Teksas dhe është Biblioteka e 13të Presidenciale.
Presidenti dhe Zonja Bush presin ta përjetojnë ketë ditë historike bashkë me
presidentët që janë ende në jetë, me zotërinjë e zonja të larta, me mbështetës
të Qendrës Bush. Do të marrin pjesë në ceremoni Presidenti Barack Obama dhe
Zonja Michelle Obama, Presidenti George H.W. Bush dhe Zonja Barbara Bush,
Presidenti Bill Clinton dhe ish Sekretarja e Shtetit Hillary Clinton, dhe
Presidenti Jimmy Carter e Zonja Rosalynn Carter.
Në këtë ditë historike do të ketë pjesëmarrje të liderëve botërorë dhe do të
ketë transmetime të drejtpërdrejta televizive, të cilat fillojnë dy orë përpara
ceremonisë së përurimit.
www.voal-online.ch
|