IM BIR FILLON SHKOLLËN SOT - LETRA E ABRAHAM LINCOLN PËR MËSUESIN E DJALIT TË TIJ
E Shtunë, 06.29.2013, 08:12am (GMT+1)
(Sa herë i jam
kthyer kësaj letre më ka rrëmbyer magjia e saj dhe jam përfshirë sakaq në atë
që ndjen prindi të cilit do t'i duhet që
të bëjë ndarjen e parë me fëmijën e tij, kur i biri apo e bija do të shkojnë
për herë të parë në shkollë. Prindit i duket gëzimi më i madh i jetës,
njëkohshëm do të provojë edhe një vuajtje të madhe, sepse fëmija do të fillojë
t'i hedhë vetë hapat e para që të nisë fluturimin në jetë. Dhe për ta bërë këtë,
do t'i duhet që të ketë mësuesin më të mirë në botë, ashtu si do zemra e një prindi
që fëmija e tij të bëhet një qytetar i
shkëlqyer. Duke qenë një kryevepër në letërsinë epistolare, më shkrepi një idé
ta ktheja në vargje për t'ia përcjellur lexuesit. Kush e ka provuar, do ta ripërjetojë
atë ndjenjë kur kemi çuar për herë të parë në shkollë fëmijët tanë. Kush nuk e
ka provuar, do të mrekullohet gjithësesi nga madhështia e fjalës, sepse këtë përjetim
sublim pak kush mund ta shprehë në këtë mënyrë kaq poetike dhe hyjnore si e ka
bërë Abraham Lincolni . Fëmijët janë dhuratë e Zotit dhe ata meritojnë mësues
të denjë për ta, tekstualisht si sugjeron Presidenti i 16-të i SHBA, një nga
heronjtë e Amerikës dhe Burrat më të shquar të njerëzimit Ju lutem lexojeni
dhe do të më jepni të drejtë Shqipëruesja)
"Im bir fillon shkollën sot. Për pak, gjithçka do të jetë për të e çuditshme dhe e re andaj do të doja ta trajtonit butësisht.
Është një aventurë që do ta marrë me vete nëpër të gjitha kontinentet. Të tilla aventura që ndoshta mund të përfshijnë luftëra, tragjedi dhe fatkeqësi. Ta jetosh këtë jetë, të duhet besim, dashuri dhe kurajo.
Për këtë i dashur Mësues, do t'ju lutesha ta merrnit përdore e t'i mësoni gjëra që do t'i duhen t'i dijë, mësojeni atë por butësisht, nëse mundeni. Mësojeni se për çdo armik, ekziston një mik. Atij do t"˜i duhet të mësojë se jo të gjithë njerëzit janë të drejtë, se jo të gjithë njerëzit janë të sinqertë. Megjithatë mësojeni se për çdo faqezi ka një hero dhe se për çdo politikan egoist, jeton një lider i përkushtuar.
Mësojeni nëse mundeni se 10 centë të fituar kanë shumë më tepër vlerë se një dollar i gjetur. Në shkollë, mësues, është shumë më e ndershme të dështosh se të mashtrosh. Mësojeni atë si të humbë hijshëm, dhe si t'i gëzohet fitores kur ai fiton.
Mësojeni të jetë njerëzor dhe i ndjeshëm me njerëzit, dhe i ashpër me njerëzit e ashpër. Mundojuni t'i qendrojë sa më larg zilisë, nëse do të mundni dhe mësojini sekretin e një buzëqeshjeje të çiltër. Mësojeni po të jetë e mundur si të qeshë kur të jetë i trishtuar, dhe se të derdhësh lotë nuk është aspak turp. Mësojeni se mund të ketë lavdi kur dështon dhe dëshpërim në sukses. Mësojeni t'i përqeshë cinikët.
Mësojeni nëse mundeni të zbulojë mrekulline e leximit të librave, por gjithashtu i jepni edhe kohën e mjaftueshme për të kundruar misterin e përjetshëm të fluturimit të zogjve në qiell, të bletëve në diell e të luleve mbi një kodër të gjelbër. Mësojeni të këtë besim në idetë e tij edhe nëse të gjithë do t`i thonë se janë të gabuara.
Mundohuni t`i mësoni birit tim forcën për mos e ndjekur turmën edhe kur të gjithë të rendin pas fitimtarit. Mësojeni të dëgjojë me vëmendje çdo njeri, por gjithashtu të shoshisë të gjithë atë që dëgjon në sitën e së vërtetës dhe të marrë veç të mirën.
Mësojeni atij sesi të shes talentin dhe zgjuarësinë e tij tek ofertuesi më i lartë, por mos të pranojë kurrë asnjë soj çmimi për shpirtin e zemrën. Lejoheni atë të ketë kurajën për të qenë i padurueshëm. Lejoheni atë të ketë durimin për të qenë trim. Mësojeni atë të ketë besim sublim tek vetvetja, sepse atëherë"˜ ai do të ketë gjithmonë besim sublim në njerëzimin dhe në Zotin.
Këto janë kërkesat, mësues, por ju bëni më të mirën që mundeni. Ai është një fëmijë i vogël kaq i mirë dhe është im bir."
Shqipëroi: Elida BUÇPAPAJ
Shqipëroi ELIDA BUÇPAPAJ
|