ROBERTO SAVIANO NË FACEBOOK PËR ZGJEDHJET E 23 QERSHORIT - 'SHËRIM KORRUPSIONIT TË BERISHËS DHE LUFTË KUNDËR ORGANIZATAVE MAFIOZE SHQIPTARE'
E Enjte, 06.27.2013, 06:45am (GMT+1)
ROMË - Roberto Saviano gazetari i njohur italian dhe shkrimtar poston në
facebook një status për zgjedhjet e 23 qershorit në Shqipëri. Duke shprehur
solidaritetin me shqiptarët, Saviano thotë se rezultati i këtyre zgjedhjeve
është jetësor për të luftuar korrupsionin e Berishës dhe për të filluar një
luftë të vërtetë organizatave mafioze shqiptare.
"Shqipëria është një vend shumë pranë nesh, fati i të cilëve është i
lidhur ngushtë me atë të Italisë. Për Shqipërinë, nuk mund të thuhet kurrë "le
ta lëmë mënjanë dhe të flasim më mirë për atë që ndodh në Itali", sepse
Shqipëria është një shtet i lidhur ngushtë me kulturën, historinë dhe
gjeografinë në Itali.
Të dielën më 23 qershor u zhvilluan zgjedhjet parlamentare në Shqipëri, një
vend që është demokraci të re dhe në rrezik. Ndërsa po mbylleshin qendrat e
votimit, pati të shtëna armësh në Laç dhe u vra një eksponent i qendrës së
majtë.
Socialisti Edi Rama, lideri i koalicionit të qendrës së majtë, në mbyllje të
votimit tha se koalicioni i drejtuar nga partia e tij ishe "në rrugën e mirë
për të marrë mandatet që kishte parashikuar" . Por menjëherë më pas, Sali
Berisha, kryeministri në ikje, pretendoi fitoren duke mos njohur fitoren.
Rezultatet zyrtare i japin 57.7 % koalicionit të drejtuar nga Edi Rama kundrejt
39. 4 % koalicionit të drejtuar nga Sali Berisha.
Shqipëria, e cila në këto dekada të fundit ka ditur të transformohet, duke dalë
nga diktatura e tmerrshme e Enver Hoxhës, është një shtet plot me talente e
mundësi.
Rezultatet e këtyre zgjedhjeve dhe ndryshimi që shpresohet të sjellin me vete
janë jetësore për të shëruar korrupsionin e Berishës dhe për të filluar një
luftë të vërtetë organizatave mafioze shqiptare.
Është koha që t'i lejojmë Shqipërisë të nisë transformimet që do ta çojnë në
Europë. Solidarizohem me të gjithë lexuesit shqiptarë, të cilët me ndjekin, dhe
që e di se në këtë orë janë të përkushtuar për të bërë që të respektohet
demokracia."
www.voal-online.ch
|