VOAL - Online Zëri i Shqiptarëve - GJAKOVARJA FLAKA GORANCI INTERPRETON NË 'LE NOZZE DI FIGARO' NË VJENË

Artistja e re , Flaka Goranci është Gjakovarja e dytë, pas Shkëlzen Dolit (violinistit të njohur) që është pjesë e Filharmonisë së Vjenës, pjese e botës se magjishme të artit vjenez dhe evropian.

Ajo mes shumë konkurrentëve nga bota, është përzgjedhur të jetë pjesë e operës "Le nozze di Figaro" vepër e kompozitorit të madh Volfgang Amadeus Moxart. Kjo vepër do të çelë ciklin e operave të Moxartit, "Le nozze di Figaro", "Don Giovanni" dhe "Cosi fan tutte". Mezosoproanoja nga Gjakova, tashmë e njohur botërisht do interpretojë në

Le nozze di figaro

Teatrin Ndërkombëtar të Vjenës (Theater an der Wien), një nga teatrot më të njohura të operës në botë dhe me një publik të përzgjedhur. Vepra do interpretohet nga një kast artistësh të njohur në botën nën dirigjimin e te famshmit Nikolaus Harnoncourt, njohës i veprave te periudhes klasike.

Prezenca e Flakës në këtë vepër gjigante botërore, llogaritet si një vlerësim i lartë për të dhe njëkohësisht mundësi fantastike për të provuar skenën ndërkombëtare, në të cilën kërkesat për të qënë pjesë e një produksioni të tillë janë të jashtëzakonshme. Goranci ka thënë se të përformosh në Teatrin Ndërkombëtar të Vjenës, të këndosh solo me dirigjentin Nikolaus Harnoncourt dhe një grup madhështor të këngëtarëve të njohur, është eksperiencë e veçantë dhe unike për të.

Një përshkrim i shkurtër!

Flaka Goranci

Flaka Goranci ka lindur më 15 korrik në Gjakovë(Kosovë) në vitin1985. Në moshën 7 vjeçare ajo ka nisur studimet për piano në vëndlindjen e saj.

Në vitin 2004 , ajo fillon të ndjekë studimet e larta pranë Akademisë së Arteve të Bukura në degën e kantos, drejtuar nga Prof.Suzana Frashëri. Eksperienca e parë që i dha sukses dhe e dalloi Flakën ishte në vitin 2008 (ndërkohë që ajo ish ende studente) ku u zgjodh të interpretojë rolin e Rosinës tek Berberi i Seviljes,ne Teatrin Kombëtar të Operas dhe Baletit në Tiranë. Pas përfundimit të studimeve, ajo fitoi një burse studimi në "˜Buchmann-Mehta School of Music në Tel Aviv, ku vazhdoi masterin me drejtimin e professor Tamar Rachum. Edhe në Izrael, ajo interpretoi Dorabella në "˜Cosi fan tute". Në Izrael në vitin 2009 ajo fitoi edhe vëndin tretë në Clairmont Academy Singing Competicion.

Flaka, fitoi një tjetër burse studimi nga Hildegard Zadek Stiftung ( Hilde Zadek, Austrian Kammer SÃ¤ngerin) me qëndër në Vjenë, institucion ky që mbështet këngëtarët e rinj lirik. Ndërkohë ajo ka performuar në mjaft koncerte apo eventimente nëpër vënde të ndryshme si Itali, Gjermani, Austri, Svicër, Britani, Maqedoni, Mal i Zi, Shqipëri e Kosovë. (atsh)