Në foto Jafar Panahi

Voal-online -Regjisori iranian Abbas Kiarostami ka dashur të fillojë takimin e tij me shtypin në Festivalin e Kanës (Cannes) duke kërkuar lirinë e kolegut dhe bashkëkombësit Jafar Panahi, burgosur në Iran në mars dhe prandaj mungues në jurinë e Kanës ku ishte ftuar. "Nuk mund ta kuptoj si mund të jetë krim një film dhe aq më pak një film i cili ende nuk është bërë," ka thënë Kiarostami, i cili paraqet në konkurs filmin "Kopja konform".

Kineasti ka treguar se pak para konferencës së shtypit ka pasur një telefonatë nga e shoqja e Panahit, me të cilën në fund nuk ka mundur të flasë. Kiarostami ka thënë se shpresonte të kishte lajme të mira dhe se do të kishte qenë një sinjal i mirë nëse Panahi do të ishte liruar sot.

Ndërkaq, një gazetar i akredituar në festival e ka marrë fjalën për të shpjeguar se risia e situatës së Panahit është se regjisori i "Qarkut" ka filluar një grevë urie pa afat, e cila nuk është konfirmuar megjithatë nga burime të tjera.

Juliette Binoche, e cila ishte pranë Kiarostamit në konferencën e shtypit, është emocionuar dhe nuk ka mundur t'i mbajë lotët. Por kur fotografët kanë filluar t'i shkrepin aparatet, aktorja ka bërë shenjë me duar për t'i ndaluar dhe makinat fotografike janë ulur. (http://www.repubblica.it) (http://www.ansa.it)