Voal-online -Turmë çmendurore, Croisette e bllokuar për atë që me ironinë e tij i ka përfshirë të gjithë në ortekun e tij: Mick Jagger, në festival si producent i 'Stones In Exile', një dokumentar i prezantuar në Quinzaine des realisateurs.
"Në fillim të viteve '70 ishim të rinj, të bukur e shumë të marrë, tani jemi vetëm të marë," kështu ka vërshuar në sallë Jagger duke i ngritur të gjithë në këmbë dhe duke e ndezur hapësirën nga duartrokitjet e furishme. "Nikson në Shtëpinë e Bardhë, lufta në Vietnam vazhdonte, Eddy Merks sapo kishte fituar Tour de France, por ne nuk dinim asgjë nga këto, ishim të mbyllur duke bërë këtë album", ka thënë rokeri, plot 67 vjeçar, duke folur për albumin Stones in exile, mbi të cilin është bërë dokumentari.
Xhaketa gri me vetëm në pullë, jeans e këpucë sportive të bardha, i hajthëm e i ngathët si gjithnjë, Mick Jagger ka prezantuar regjisorin Stephen Kijak e producentët John Battsek e Victoria Pearmarn e pastaj ka dhënë shenjën për filimin e filmit duke lënë takim me platenë e gazetarëve dhe të shikuesve, por sidomos adhuruesve të Rolling Stones, në mbarim të filmit.
Është dita e "Carlos", filmit tronditës francez firmosur nga njëri prej regjisorëve më të dashur të adhuruesve të kinemasë, Olivier Assayas.
POETRY i Lee Chang-Dong - në konkurs. Në qendër të filmit të kinematografisë së re koreane një portret gruaje nga një provincë fshatare, larg sirenave perëndimore dhe qyteteve të mëdhenj. Ngjarjen e rrëfen një nënë kryefamiljare, e cila e adhuron poezinë dhe beson në mirësinë e gjërave dhe të njerëzve. Derisa përjeton zhgënjimin vendimtar.
 
MYJOY i Sergei Loznitsa - në konkurs. Një kamionist, i ri dhe ende plot iluzione shfaqet papritur në një fshat të vogël ku mbretëron ligji i më të fortit dhe e përplasjeve finsnore. Arrin nga Ukraina regjisori më i ri i garës, kandidat i çmimit për veprën e parë.
CARLOS i Olivier Assayas - jashtë kokursit. Pothuaj gjashtë orë për ta treguar rënien dhe ngjitjen e terroristit të famshëm të viteve '70, njëfarë Che Guevara, njëfarë bombavënësi në shërbim të atij që e paguan më mirë. Rasti i parë i një filmi francez pritur në ballon e madhe të Cannes. Rrezikon të jetë ngjarja më e madhe e këtij edicioni.
CHANTRAPAS e Otar Iosseliani - projeksion special. Tregim pothuajse autobiografik i një regjisori të ri gjeorgian marr peng nga censura e vendit të tij dhe trimëruar të arratiset në Francë me ëndërrën e tokës së lirisë. Por edhe Perëndimi ka anën e tij të mbrapshtë të medaljes.
ALL GOOD CHILDREN i Alicia Duffy - Quinzaine des relisateurs. Në vdekjen e nënës së dy djelmoshave anglezë shkojnë të jetojnë në fshatin e një tezje në Francë.
STONES IN EXILE di Stephen Kijak - Quinzaine des relisateurs. Me materiale inedite të arkivit tregohet faqja më tragjike në jetën e Rolling Stones kur në fund të viteve '60 e në kulmin e suksesit, grupi tërhiqet në Francë për të regjistruar albumin që do të shndërrohej në kryevepër të rokut "Exile On Main Street"./Elida Buçpapaj