TRESHJA PARALAJMËRON RISHIKIM TË PUNESIMEVE NË GJASHTË MUAJT E FUNDIT
E Mërkurë, 07.23.2014, 12:04pm (GMT+1)
Prishtinë, 23 korrik - Treshja e koalicionit LDK-AAK-NISMA janë duke pretenduar se nëse ata do të vinë në qeveri, do të rishikojnë të gjitha punësimet e gjashtë muajve të fundit në shërbimin civil të Kosovës. Kjo pasi sipas tyre, qeveria në largim pa asnjë kriter ka punësuar një numër të madh të aktivistëve partiakë, në shërbimin civil të Kosovës.
Ata vlerësojnë se vakuumi institucional, si rezultat i zgjedhjeve të jashtëzakonshme dhe vonesa në krijimin e institucioneve të reja, po e dëmtojnë seriozisht administratën publike në Kosovë.
"Me kontrata mbi vepër, krijim postesh fiktive, transfer të stafit politik në shërbimin civil dhe konkurse të parapërgatitura, po synohet që të rehatohen kuadrat partiake dhe të afërmit e qeveritarëve në ikje", thuhet në njoftimin e tyre.
Koalicioni LDK-AAK-NISMA kërkon nga zyrtarët qeveritarë t'i ndalojnë praktikat e tilla.www.voal-online.ch
|
Comments (0)
Dërgoja shokut
Printo
