VOAL - Online Zëri i Shqiptarëve - BEOGRADI SHTYN SEANCËN KONSTITUTIVE TË KUVENDIT TË KOSOVËS

Kryesuesja e seancës konstituive të Kuvendit të Kosovës ka vendosur që të shtyjë vazhdimin e kësaj seance, për të enjten e ardhshme.

Kjo ishte kërkesë e Listës Srpska.

Veç Thaçi me minoritete te Brovina

Ka nisur takimi i thirrur nga deputetja më e vjetër e Kuvendit të Kosovës, Flora Borvina, e cila ka ftuar krerët e partive parlamentare që të merren vesh rreth vazhdimit të seancës së nesërme.

Siç pritej në takim ka shkruar vetëm kreu i PDK-së, Hashim Thaçi dhe përfaqësues të minoriteteve.
LAN-i dhe VV-ja qysh më herët kishin thënë se nuk do t'i përgjigjen thirrjes së kryesueses së seancës. Ata kanë bindjen se nuk ka arsye që seanca të shtyhet.

Në anën tjetër edhe PDK-ja, përmes deputetit Adem Grabovci është shprehur e gatshme që seanca të mbahet siç ishte paraparë, më 12 shtator.

Shtyrjen e mbledhjes konstituive të Kuvendit të Kosovës, për konsultime politike e ka kërkuar Lista Srpska, me qëllim që siç ka thënë "për konsultime politike që marrëveshja për kryetarin e Kuvendit të reflektohet në qëllimet shtetërore e kombëtare të Serbisë".

Brovina thërret partitë për konsulta në 15:30

Ish-shefi i Grupit Parlamentar të PDK-së, Adem Grabovci tha se Flora Brovina ka thirr partitë politike në takim konsultativë në ora 15 e 30, për të vendosur se a do të mbahet seanca konstituive nesër apo të shtyhet për javën tjetër.

Grabovci tha se zgjedhjet e jashtëzakonshme asesi nuk janë në interes të shtetit, ngase sipas tij, humbet kohë për krijimin e institucioneve.

Grabovci tha se PDK ka bërë gjithë përgatitjet për seancën e nesërme dhe janë të gatshëm për ta mbajtur atë.

Por Grabovci iu shmang pyetjes se çfarë do bëhet në rast se nesër në seancë nuk do të zgjidhet kryetar i Kuvendit kandidati i PDK-së.kd