Voal-online Është një tragjedi e përpjesëtimeve të papërfytyrueshme tërmeti që ka goditur Haitin, vendin më të varfër të kontinentit amerikan. Sipas një vlerësimi të Save the Children, janë rreth 2 milionë njerëzit e goditur nga tragjedia. Tejet i rëndë bilanci i të vdekurve: presidente di Haiti, René Preval, cituar nga mediat, druhet se tërmeti ka provokuar me mijëra të vdekur. Por diplomatët thonë se të vdekurit mund të jenë dhjetëra mijë.
Preval ka folur edhe për rrënimin e Parlamentit Haitian, ashtu si të ndërtesave të shkollave dhe spitaleve. "Disa shkolla janë plot me trupa të pajetë," ka thënë. "Është një katastrofë," ka shtuar e shoqja, Elisabeth Preval nëpër rrugët e qyteti kudo ka trupa të pajetë. Janë të panumërt njerëzit poshtë rrënojave, spitali i përgjithshëm është bërë gërmadhë. Kemi nevojë për ndihmë."
Kryeministri haitian Jean Max Bellerive ka thënë sot se tërmeti mund të ketë shkaktuar mbi njëqind mijë të vdekur. Këtë parashikim ai e ka bërë në një intervistë telefonike dhënë sot në CNN.
Bota ndërkaq mobilizohet. Presidenti amerikan Obama ka siguruar se Shtetet e Bashkuara të Amerikës do t'iu japin mbështetjen e plotë të dëmtuarve, duke shpallur dërgimin e njësive të shpëtimit që në orët e para pas tërmetit. Administrata e SHBA ka urdhëruar ndërhyrje "˜të shpejta e të bashkërenduara', ka thënë më tej Obama, duke kërkuar një ndihmë ndërkombëtare. Ndihma janë shpallur nga Gjermania, Izraeli, Franca, Italia, Banka Botërore e tjerë. (http://www.ansa.it)