Voal-online Bursat evropiane djegin 128 miliardë euro në kuadrin e drojave të investitorëve lidhur me gjendjen shëndetësore të ekonomisë spanjolle. Në përfundim të seancës treguesi panevropian Dj Stoxx 600, që sintetizon mbarëvajtjen e treguesve kryesorë të Kontinentit të Vjetër, ka humbur 2,69% ndërsa Bursa e Madridit është rrokulllisur në 5,94%.
Keq edhe mbyllja e Wall Street, në vijim të shqetësimeve për deficitin e bilancit të Spanjës e Portugalisë pas Greqisë: treguesi Dow Jones, pasi kishte rënë për pak kohë nën kuotën 10 000, e ka mbyllur ditën me 10 002,18 pikë (-2,61%), ndërsa Nasdaq ka rënë në 2.125,43 (-2.99%). Me humbje edhe treguesi S&P 500 me 1 063,11 pikë (-3,11%).
Për Dow Jones ka qenë humbja më e madhe e pikëve në një ditë prej muajit prill dhe humbja më e gjerë në përqindje nga 2 korriku. Treguesi kishte zbritur nën kuotën 10.000 pak para mbylljes, por ia ka arritur të ngjitet pak sipër atij niveli në mbyllje të shkëmbimeve.
"Në rënien e 'pigs', vendeve periferike komenton ashpër një analist pas Greqisë dhe Portugalisë mungon vetëm Italia," po ai thotë se rënia vjen për pasoja emotive dhe jo për arsye konkrete.
Sytë janë përqëndruar tek Spanja, pikërisht tek grupet që kanë interesat më të mëdha në këtë vend.
Në mbarim të seancës edhe bankat në gjithë Evropën dalin të masakruara.
(http://www.ansa.it)